Yausuas 20
20
Cov Nroog Cawmsiav
1Tus TSWV hais rau Yausuas tias, #Teev 35:6-32; 2Kev 4:41-43; 19:1-13 2“Koj hais rau cov Yixalayees kom lawv ciali xaiv ib co nroog cawmsiav rawsli Kuv hais rau Mauxes qhia rau koj lawm. 3Yog leejtwg tua yuamkev raug ib tug neeg tuag, tus ntawd ciali khiav mus nkaum hauv cov nroog ntawd kom dim ntawm tus uas nrhiav nws tua pauj. 4Nws yuavtsum khiav mus nkaum hauv cov nroog ntawd ib lub, mus rau ntawm qhov chaw txiavtxim uas nyob ntawm roojloog, thiab piav qhia tej xwm ntawd rau cov thawjcoj. Ces lawv thiaj yuav pub nws mus rau hauv lub nroog thiab muab chaw rau nws nyob, kom nws thiaj yuav tau chaw nyob. 5Yog tias tus uas nrhiav nws tua tuaj txog, los lawv yuav tsis muab nws cob rau tus ntawd. Lawv yuav tsomkwm nws, rauqhov yog nws tua yuamkev xwb, tsis yog nws chim es txhobtxwm tua. 6Nws yuav tau nyob hauv lub nroog ntawd mus txog hnub uas luag coj nws mus txiavtxim lossis mus txog sijhawm uas tus ua Tuam Povthawj Hlob lub sijhawm ntawd tuag tso, nws mamli tau rov mus rau hauv nws lub moos.”
7Yogli ntawd, sab tebchaws ntawm tus Dej Yauladees sab hnubpoob, lawv thiaj tshwj lub nroog Kedes hauv Kalilais hauv xeem Nathalis cheebtsam av uas ua laj roob; lub nroog Sekhees hauv xeem Efalayees cheebtsam av uas ua laj roob; thiab lub nroog Henploos hauv xeem Yudas cheebtsam av uas ua laj roob. 8Ntawm tus Dej Yauladees sab hnubtuaj hauv lub tiaj suabpuam uas nyob ntawm lub nroog Yelikaus sab hnubtuaj, lawv xaiv lub nroog Npexaws hauv xeem Lunpees cheebtsam av; lub nroog Lamaus hauv Nkile-as uas yog xeem Nkaj cheebtsam av; thiab lub nroog Nkaulas hauv Npasas uas yog xeem Manaxes cheebtsam av. 9Cov nroog cawmsiav no, yog cov Yixalayees xaiv rau lawv thiab cov neeg txhawv tebchaws uas nrog lawv nyob. Yog leejtwg tua yuamkev raug ib tug neeg tuag, nws thiaj tau chaw mus nkaum hauv cov nroog ntawd ib lub kom dim ntawm tus uas nrhiav nws tua; nws thiaj yuav tsis raug tua uantej luag txiavtxim rau nws.
Currently Selected:
Yausuas 20: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
