Yausuas 19
19
Faib Av Rau Xeem Xime-oos
1Xeem Xime-oos yog pab thib ob uas Yausuas faib av rau lawv, rawsli lawv tej tsev neeg. Lawv cheebtsam av nthuav mus txog ntua ntawm xeem Yudas li av, 2uas yog losloov lub nroog Npe-awsenpas lossis Senpas, Mauladas, #1Xwm 4:28-33 3Haxas Su-as, Npalas, Exees, 4Etaulas, Npethus, Haumas, 5Xikelas, Npes Makanpaus, Haxas Xuxas, 6Npes Lenpa-aus, thiab Saluhees: kaum-peb lub nroog thiab tej moos uas nyob ibncig.
7Kuj muaj Ayees, Limoos, Ethaws, thiab Asas: plaub lub nroog thiab tej zos uas nyob ibncig. 8Losloov tej moos uas nyob ibncig tej nroog ntawd mus rau ntawm Npa-alas Npees (lossis Lamas), uas nyob sab qabteb. Nov yog feem av uas faib rau xeem Xime-oos ua lawv tug rawsli lawv tej tsev neeg. 9Vim xeem Yudas tau av dav dua qhov uas lawv cheemtsum, thiajli muab ib feem faib rau xeem Xime-oos thiab.
Faib Av Rau Xeem Xenpuloos
10Xeem Xenpuloos yog pab thib peb uas Yausuas faib av rau lawv rawsli lawv tej tsev neeg. Lawv cheebtsam av nthuav mus txog ntua lub nroog Xalis. 11Lawv tus ciam txij ntua ntawd mus rau sab hnubpoob mus txog rau Male-as, npuab lub nroog Danpeses thiab raws tus dej ntawm Yaune-as sab hnubtuaj. 12Tus ciam pib ntawm Xalis mus rau sab hnubtuaj mus txog rau Khilaus Tanpaus, mus rau Danpelas thiab nce mus rau pem Yafias. 13Tus ciam sab hnubtuaj tseem mus ntxiv rau Nkaj Hefaws thiab Ekaxees, nkhaus mus rau sab Ne-as mus txog rau ntawm Limoos. 14Sab qaumteb, tus ciam nkhaus mus rau Hanathoos, thiab mus xaus rau ntawm lub Hav Itahees. 15Losloov lub nroog Katas, Nahalas, Siloos, Idalas, thiab Npelehees: kaum-ob lub nroog thiab tej moos uas nyob ibncig. 16Tej no yog tej nroog thiab tej moos hauv cheebtsam uas faib rau xeem Xenpuloos ua lawv tug rawsli lawv tej tsev neeg.
Faib Av Rau Xeem Ixakhas
17Xeem Ixakhas yog pab thib plaub uas Yausuas faib av rau lawv rawsli lawv tej tsev neeg. 18Lawv cheebtsam av yog losloov lub nroog Yexelees, Khexulaus, Sunees, 19Hafalayees, Si-oos, Anahalas, 20Lanpis, Kisi-oos, Enpej, 21Lemej, Enkanees, Eehadas, thiab Npepaxes. 22Lawv tus ciam npuab Tanpaus, Sahaxumas, thiab Npes Semes, mus xaus rau ntawm tus Dej Yauladees. Tagnrho yog muaj kaum-rau lub nroog thiab tej moos uas nyob ibncig. 23Nov yog tej nroog thiab tej moos hauv cheebtsam av uas faib rau xeem Ixakhas ua lawv tug rawsli lawv tej tsev neeg.
Faib Av Rau Xeem Asaws
24Xeem Asaws yog pab thib tsib uas Yausuas faib av rau lawv rawsli lawv tej tsev neeg. 25Lawv cheebtsam av yog losloov lub nroog Helekas, Halis, Npetees, Akesas, 26Alasmelej, Amas, thiab Misas. Tus ciam Sab hnubpoob npuab lub Roob Khamees thiab Sihaus Linas. 27Tus ciam nkhaus mus rau sab hnubtuaj mus txog rau Npedankoos, npuab Xenpuloos thiab lub Hav Itahees mus rau sab qaumteb txog pem lub nroog Npethemes thiab Neyees. Tus ciam mus ntxiv rau sab qaumteb mus txog ntawm lub nroog Kanpus, 28Enpeloos, Lehaus, Hamoos, thiab Kanas mus rau ntawm lub nroog Xidoos. 29Ces tus ciam lem mus rau Lamas mus tshuam rau ntawm lub nroog Thailes uas muaj ntsayeej thaiv; thiab lem mus rau Hauxas thiab xaus rau ntawm Hiavtxwv Meditelanees. Losloov lub nroog Mahalas, Akhexis, 30Umas, Afej, thiab Lehaus: neesnkaum-ob lub nroog thiab tej moos uas nyob ibncig. 31Tej uas hais los no yog tej nroog thiab tej moos hauv cheebtsam av uas faib rau xeem Asaws ua lawv tug rawsli lawv tej tsev neeg.
Faib Av Rau Xeem Nathalis
32Xeem Nathalis yog pab thib rau uas Yausuas faib av rau lawv raws lawv tej tsev neeg. 33Lawv tus ciam txij ntua ntawm Helefes mus rau ntawm tsob ntoo qhib hauv Xananees mus rau Adaminekes thiab mus rau Yanias, dhau mus rau ntawm Lakus thiab mus xaus rau ntawm tus Dej Yauladees. 34Tus ciam pib ntawd lem mus rau sab hnubpoob mus txog rau Anaus Tanpaus thiab pib ntawd mus rau Hukaus, npuab Xenpuloos sab qabteb, Asaws nyob sab hnubpoob, thiab tus Dej Yauladees#19:34: Ib phau ntawv qub-qub thaum ub sau hais tias Yauladees; phau lus Henplais hais tias cov Yudais uas nyob ntawm tus dej Yauladees. nyob sab hnubtuaj. 35Tej nroog uas muaj ntsayeej thaiv yog: Xidis, Xaws, Hamaj, Lakas, Khineles, 36Adamas, Lamas, Haxaus, 37Kedes, Edele-is, Eehaxaus, 38Yiloos, Midalees, Haulees, Npethanas, thiab Npes Semes: neesnkaum-ob lub nroog thiab tej moos uas nyob ibncig. 39Tej uas hais los no yog tej nroog thiab tej moos hauv cheebtsam av uas faib rau xeem Nathalis ua lawv tug rawsli lawv tej tsev neeg.
Faib Av Rau Xeem Das
40Xeem Das yog pab thib xya uas Yausuas faib av rau lawv rawsli lawv tej tsev neeg. 41Lawv cheebtsam av losloov lub nroog Xaulas, Eseta-aus, Awsemes, 42Sa-alanpees, Aiyaloos, Ithelas, 43Eloos, Tinas, Ekiloos, 44Etekes, Nkinpethoos, Npa-alas, 45Yehus, Npenenpelas, Nkalimoos, 46Meyakoos thiab Lakoos, mus rau cheebtsam uas nyob ibncig lub nroog Yaupas. 47Thaum xeem Das lub tebchaws poob lawm, lawv mus tua thiab txeeb lub nroog La-is. Lawv txeeb tau lub nroog, thiab tua cov neeg uas nyob hauv lub nroog, thiab muab lub nroog ua lawv tug. Lawv mus nyob hauv thiab muab lub nroog La-is hloov npe hu ua Das, rawsli lawv tus yawgkoob Das lub npe. #Cthj 18:27-29 48Tej uas hais los no yog tej nroog thiab tej moos hauv cheebtsam av uas faib rau xeem Das ua lawv tug rawsli lawv tej tsev neeg.
Faib Av Rau Yausuas
49Thaum cov Yixalayees faib av rau txhua xeem tag lawm, lawv muab ib feem av rau Noos tus tub Yausuas ua nws tug 50rawsli tus TSWV tau hais tseg lawm. Lawv muab lub nroog Tinas Xelas uas nyob hauv xeem Efalayees cheebtsam av uas ua laj roob rau Yausuas rawsli nws thov. Yausuas thiaj tsimtsa lub nroog thiab nyob rau hauv.
51Tus povthawj hlob Ele-axas, Noos tus tub Yausuas, thiab cov thawjcoj ntawm txhua xeem Yixalayees tej tsev neeg tuaj rho ntawv#19:51: rho ntawv: Saib 14:2. nug tus TSWV hauv lub nroog Silaus, ntawm lub qhovrooj Tsevntaub Sibntsib. Lawv ua li ntawd thiaj muab lub tebchaws faib tiav tag.
Currently Selected:
Yausuas 19: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
