Yausuas 16
16
Faib Av Rau Xeem Efalayees Thiab Xeem Manaxes Sab Hnubpoob
1Yauxej cajces tus ciam sab qabteb yog txij ntua ntawm tus dej Yauladees uas ze lub nroog Yelikaus, ntawm cov qhovdej uas nyob ntawm Yelikaus sab hnubtuaj mus rau tiaj suabpuam. Tus ciam yog pib ntawm Yelikaus nce mus rau saum lub laj roob mus rau pem lub nroog Npethees. 2Pib ntawm Npethees mus rau Lus thiab hla mus rau Atalus Adas, uas yog cov Akhis nyob, 3tus ciam nkhaus mus rau sab hnubpoob ntawm cheebtsam cov Yafeletis, thiab dhau mus rau Npes Hauloos Theem Qis. Tus ciam pib ntawd mus txog rau Nkexaws, thiab mus xaus rau ntawm Hiavtxwv Meditelanees.
4Yauxej cajces uas yog xeem Efalayees thiab xeem Manaxes Sab Hnubpoob tau tej av no ua lawv tug.
Xeem Efalayees
5Nov yog cheebtsam av uas faib rau xeem Efalayees rawsli lawv tej tsev neeg. Lawv tus ciam txij ntua ntawm Atalaus Adas sab hnubtuaj mus rau Npes Hauloos Theem Siab, 6thiab pib ntawd mus rau Hiavtxwv Meditelanees. Lub nroog Mimethas nyob rau sab qaumteb ntawm lawv lub tebchaws. Tus ciam sab hnubtuaj yog nkhaus mus rau Tanas Silaus thiab mus hla ntawm Yanau-as sab hnubtuaj. 7Tus ciam pib ntawm Yanau-as nqis mus rau Atalus thiab Na-alas, mus rau ntawm Yelikaus thiab mus xaus rau ntawm tus dej Yauladees. 8Tus ciam uas mus rau sab hnubpoob, pib ntawm Tapuas mus rau ntawm tus Dej Kanas thiab mus xaus rau ntawm Hiavtxwv Meditelanees. Nov yog cheebtsam av uas muab faib rau xeem Efalayees ua lawv tug rawsli lawv tej tsev neeg, 9thiab tej moos nrog rau tej zejzog uas nyob hauv xeem Manaxes tus ciam, tiamsis muab tu rau xeem Efalayees lawm. 10Xeem Efalayees tsis ntiab cov Kana-as uas nyob hauv lub nroog Nkexaws tawm, yogli ntawd, cov Kana-as thiaj tseem nrog cov Efalayees nyob los txog niajhnub no, tiamsis cov Efalayees yuam cov Kana-as ua lawv qhev. #Cthj 1:29
Currently Selected:
Yausuas 16: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
