Yausuas 15
15
Faib Av Rau Xeem Yudas
1Xeem Yudas tej tsev neeg tau av ua lawv tug rawsli no:
Lawv cheebtsam av sab qabteb yog mus cob rau ntawm tiaj suabpuam Xees uas npuab tebchaws Edoos tus ciam. 2Tus ciam sab qabteb txij ntua ntawm qab Hiavtxwv Tuag 3mus rau sab qabteb, pib kiag ntawm lub dawm Akalanpees mus rau tiaj suabpuam Xees; nqis mus rau sab qabteb ntawm Kades Npane-as, hla Hexeloos nce mus rau Adas lem mus rau Kakas, 4mus rau Aximoos raws tus dej uas npuab Iziv tus ciam mus xaus rau ntawm Hiavtxwv Meditelanees. Tej uas hais los no yog xeem Yudas tus ciam sab qabteb.
5Tus ciam sab hnubtuaj yog pib ntawm Hiavtxwv Tuag nce mus rau pem tus Dej Yauladees los tshuam.
Tus ciam sab qaumteb yog pib ntawd 6mus rau Npes Haunkelas, thiab nce mus rau sab qaumteb ntawm lub dawm uas ntsiantsoov rau lub Hav Yauladees; thiab tus ciam nce mus rau ntawm Npuhas lub Pobzeb (Npuhas yog Lunpees tus tub), 7pib ntawm lub Hav Teebmeem nce mus rau Denpis thiab lem rau sab qaumteb mus rau ntawm Nkilenkas uas tig mus rau lub dawm Adumees ntawm lub voshav sab qabteb. Tus ciam nce mus rau ntawm lub qhovdej Eesemes, tawm mus rau Eelaunkees, 8thiab mus hla lub Hav Hinoos sab qabteb ntawm lub roob uas cov Yenpus nyob, uas yog lub nroog Yeluxalees. Tus ciam tseem nce mus rau saum lub ncov roob uas nyob ntawm lub Hav Hinoos sab hnubpoob, thiab mus xaus rau ntawm lub Hav Lefayees sab qaumteb. 9Pib ntawd mus rau ntawm lub qhovdej Netau-as, thiab mus rau ntawm cov nroog uas nyob ze lub Roob Efaloos. Tus ciam pib ntawd nkhaus mus rau Npa-alas (lossis Kili-as Ye-alees), 10tus ciam nkhaus puav ntawm Npa-alas sab hnubpoob mus rau tebchaws Edoos uas ua laj roob, nce mus rau sab qaumteb lub Roob Ye-alees (lossis Khexaloos), nqis mus rau Npes Semes, thiab hla mus rau ntawm lub nroog Tinas. 11Tus ciam mus rau ntawm lub roob uas nyob ntawm lub nroog Ekiloos sab qaumteb, thiab lem mus rau ntawm Sikeloos hla lub Roob Npa-alas mus rau Yanias; thiab mus xaus rau ntawm Hiavtxwv Meditelanees, 12uas yog tus ciam sab hnubpoob.
Xeem Yudas tej tsev neeg li av yog rawsli cov ciam uas hais los no.
Kalej Txeeb Tau Henploos Thiab Denpis
(Cov Thawjtswj 1:11-15)
13Yausuas faib xeem Yudas av rau Yefunes tus tub Kalej rawsli tus TSWV tau xaaj rau nws lawm. Kalej tau lub nroog Henploos uas yog Anaj txiv Alanpas lub nroog. #Cthj 1:20 14Kalej caum cov Sesais, cov Ahimas, thiab cov Talemais, uas yog Anaj li cajces tawm hauv lub nroog ntawd mus. 15Kalej thiaj tawm hauv Henploos ntawd mus tua cov neeg uas nyob hauv lub nroog Denpis. (Lub nroog no thaum ub hu ua Kili-as Xefaws). 16Kalej hais tias, “Yog leejtwg mus tua thiab txeeb tau lub nroog Kili-as Xefaws, kuv yuav muab kuv tus ntxhais Akexas rau nws yuav.”
17Auniyees uas yog Kalej tus kwv Kenas tus tub, thiaj mus txeeb tau lub nroog Denpis, yogli ntawd Kalej thiaj muab nws tus ntxhais Akexas rau Auniyees yuav. 18Hnub uas noj tshoob, Auniyees txawm taij nws tus pojniam#15:18: Nqe no sau hais tias (saib Cthj 1:14) txhais hais tias Auniyees txawm taij nws tus pojniam; phau lus Henplais hais tias Akexas txawm taij Auniyees. kom thov nws txiv muab ib thaj teb rau nkawd. Akexas thiaj nqis saum nws tus neesluav los, thiab Kalej nug hais tias, “Koj xav tau dabtsi?” 19Akexas teb tias, “Kuv xav tau ib co qhovdej, rauqhov thaj av uas koj muab rau kuv ntawd nyob rau ntawm qhov chaw qhuav heev.” Yogli ntawd Kalej thiaj muab lub qhovdej sab ped thiab lub sab nrad rau nws tus ntxhais.
Cov Nroog Hauv Tebchaws Yudas
20Nov yog cheebtsam av uas faib rau xeem Yudas ua lawv tug rawsli lawv tej tsev neeg. 21Lawv cov nroog uas nyob rau puag nram sab qabteb uas nyob ze Edoos tus ciam yog: Kaxees, Edaws, Yankus, 22Kinas, Dimunas, Adadas, 23Kedes, Haxaus, Inas, 24Xifes, Telees, Npe-alaus, 25Haxaus Hadatas, Keli-aus Hexeloos (lossis Haxaus), 26Amas, Semas, Mauladas 27Haxas Nkadas, Hesemoos, Npepeles, 28Haxas Su-as, Npe-awsenpas, Npixi-authias, 29Npa-alas, Iyees, Exees, 30Etaulas, Khexis, Haumas, 31Xikelas, Mamanas, Xaxanas, 32Lenpa-aus, Sihees, Ayees, thiab Limoos: tagnrho yog neesnkaum-cuaj lub nroog thiab tej moos uas nyob ibncig.
33Cov nroog uas nyob raws tej taw roob yog: Eseta-aus, Xaulas, Asanas, 34Xanau-as, Enkanees, Tapuas, Enas, 35Yamus, Adulas, Xukaus, Axekas, 36Sa-alayees, Aditha-ees, Nkedelas, thiab Nkedelutha-is: kaum-plaub lub nroog thiab tej moos uas nyob ibncig.
37Thiab kuj muaj Xenas, Hadasas, Midankas, 38Dile-as, Mixepas, Yauthe-ees, 39Lakhis, Npauxekhas, Enkiloos, 40Kanpoos, Lamas, Kilis, 41Nkedelaus, Npedankoos, Na-amas, thiab Makedas: kaum-rau lub nroog thiab tej moos uas nyob ibncig.
42Thiab kuj muaj Linas, Ethaws, Asas, 43Ithas, Asanas, Nexis, 44Ke-ilas, Akhexis, thiab Malesas: cuaj lub nroog thiab tej moos uas nyob ibncig.
45Kuj muaj Ekiloos thiab tej moos uas nyob ibncig, 46nrog rau tagnrho tej nroog thiab tej moos uas nyob ze lub moos Asedaus, uas txij ntua ntawm lub nroog Ekiloos mus txog rau Hiavtxwv Meditelanees.
47Lub nroog Asedaus thiab lub nroog Nkaxas nrog rau tej moos thiab zejzog, mus ti nkaus rau tus dej uas nyob npuab cov Iziv tus ciam thiab ntug Hiavtxwv Meditelanees.
48Tej moos uas nyob saum roob yog: Samis, Yatis, Xukaus 49Danas, Kili-as Xefaws (lossis Denpis). 50Anas, Esetemu-as, Anees, 51Nkausees, Hauloos, thiab Nkilaus: kaum-ib lub nroog thiab tej moos uas nyob ibncig.
52Kuj muaj Alav, Dumas, Esas, 53Yanees, Npes Tapuas, Afekas, 54Hutas, Henploos thiab Xi-aus: cuaj lub nroog thiab tej moos uas nyob ibncig.
55Muaj Ma-oos, Khamees, Xifes, Yutas, 56Yexelees, Yaude-as, Xanau-as, 57Ka-ees, Nkinpe-as, thiab Tinas: kaum lub nroog thiab tej moos uas nyob ibncig.
58Muaj Halehus, Npexus, Nkedaus, 59Ma-alas, Npethanaus, thiab Etekoos: tagnrho yog rau lub nroog thiab tej moos uas nyob ibncig.
60Muaj Kili-as Npa-as (lossis Kili-as Ye-alees) thiab Lanpas: ob lub nroog thiab tej moos uas nyob ibncig.
61Hauv tiaj suabpuam yog muaj Npes Alanpas, Midees, Xekakas, 62Nisas, Nroog Ntsev, thiab Eenkedis: rau lub nroog thiab tej moos uas nyob ibncig.
63Tiamsis cov neeg Yudais ntiab tsis tau cov neeg Yenpus uas nyob hauv Yeluxalees tawm. Cov Yenpus tseem nrog cov Yudais nyob. #Cthj 1:21; 2Xamu 5:6; 1Xwm 11:4
Currently Selected:
Yausuas 15: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
