Yaxayas 8
8
Yaxayas Tus Tub Ua Lub Cim Rau Neeg
1Tus TSWV hais rau kuv tias, “Koj ciali mus muab ib daim txiag ntoo loj los thiab sau tej tus tsiajntawv loj#8:1: ntawv loj; lossis sau cov ntawv kom sawvdaws nyeem tau. rau hais tias, ‘Mahaws-Sala-Hasa-Npas.’#8:1: Mahaws-Sala-Hasa-Npas; Lub npe no lus Henplais txhais hais tias “Majnrooj Mus Huab, Ceevnrooj Mus Txeeb.” 2Kom Uliyas, uas yog tus povthawj hlob thiab Yenpelekhiyas tus tub Xekhaliyas, uas yog ob tus neeg uas nej tsosiab tau rau, los nrog ua timkhawv.”
3Tau tsis ntev tomqab no kuv tus pojniam txawm xeebtub. Thaum yug tau wb tus tub, tus TSWV hais rau kuv tias, “Muab nws tis lub npe hu ua ‘Mahaws-Sala-Hasa-Npas.’ 4Uantej tus metub no txawj hu ‘Niam’ thiab ‘Txiv,’ tej txhab nyiaj uas nyob hauv lub nroog Damaxakas thiab tej khoom uas huab tau hauv lub nroog Xamalis los, yuav raug tus vajntxwv uas kav tebchaws Axilias nqa mus tag huv tibsi.”
Cov Axilias Tus Huabtais Tuaj
5Tus TSWV rov hais rau kuv ntxiv. 6Nws hais tias, “Vim cov neeg no tsis lees paub tus dej Silau-as#8:6: dej Silau-as: Yog tus dej uas ntws tawm ntawm tus dej loj uas nyob ntawm lub nroog Yeluxalees sab hnubtuaj los. uas ntws ntsiagto, thiab ntshai Vajntxwv Lexees thiab Vajntxwv Pekas tsheehnyo.#8:6: Nqe no sau hais tias tsheehnyo; phau lus Henplais hais tias zoosiab hlo. 7Kuv, uas yog tus TSWV, yuav coj tus huabtais uas kav tebchaws Axilias thiab tagnrho nws cov tubrog tuaj tua lub tebchaws Yudas. Lawv yuav tuaj yam nkaus li tus Dej Yufatis tuaj, thiab yuav ntws thoobplaws tej kwj thiab huam puvnkaus ntug. 8Lawv yuav ntws mus thoobplaws lub tebchaws Yudas, dej yuav nta yees txij nkaus xubpwg thiab nyab txhua tsavyam huv tibsi.”
Vajtswv nrog peb nyob! Nws ob phab tis yuav nthuav mus puvnkaus lub tebchaws.#8:8: txhua tsavyam huv tibsi.” Vajtswv… tebchaws; lossis txhua yam huv tibsi. Lawv yuav nthuav mus thoobplaws lub tebchaws. Vajtswv nrog peb nyob!”
9Txhua haivneeg, nej ciali tuaj txoos uake thiab ntshai! Tej tebchaws uas nyob deb, nej ciali mloog! Nej ciali npaj sibtua, tiamsis yuav txaus ntshai heev! Yog lau, ciali npaj, tiamsis yuav txaus ntshai heev! 10Ciali npaj tswvyim, tiamsis yuav ua tsis tiav. Nej yuav sibtham npaum licas los yeej tsis muaj qabhau, rauqhov Vajtswv nrognraim peb nyob!
Tus TSWV Ceebtoom Rau Tus Xibhwb Cev Vajtswv Lus
11Tus TSWV txhais tes uas muaj hwjchim los tuav kuv, Nws tau ceebtoom kom kuv tsis txhob taug txojkev uas tej neeg sawvdaws taug. Nws hais tias, 12“Tsis txhob koom nrog cov neeg uas tuavhauv ua phem thiab tsis txhob ntshai tej uas lawv ntshai. 13Koj yuavtsum ncontsoov tias Kuv, yog tus TSWV uas muaj Hwjchim Loj Kawg Nkaus, yog tus dawbhuv; Kuv yog tus uas koj yuavtsum ntshai. #1Pet 3:14-15 14Vim Kuv txoj kev dawbhuv, Kuv thiaj zoo li lub pobzeb uas cov Yudais thiab cov Yixalayees dawm ntog. Kuv zoo li ib rooj ntxiab caws tos cov neeg uas nyob hauv Yeluxalees. 15Muaj ntau leej yuav dawm; lawv yuav ntog ua rau lawv puasntsoog, lawv yuav mag rooj ntxiab ntawd soo.” #1Pet 2:8
Ceebtoom Txog Kev Tuavxam Nrog Cov Tuag
16Nej cov uas yog Kuv cov thwjtim, nej yuavtsum ceev thiab khaws tej lus xaaj uas Vajtswv muab cob rau kuv ntawd. 17Txawm yog tus TSWV tau zais Nws lub ntsejmuag tsis pub Yakhauj cajces pom, los Kuv yeej tseem tsosiab rau Nws thiab ciasiab rau Nws xwb. #Henpl 2:13
18Kuv nyob ntawm no nrog cov menyuam uas tus TSWV tau muab pub rau kuv. Tus TSWV uas muaj Hwjchim Loj Kawg Nkaus, Nws lub zwmtxwv yog nyob saum lub Roob Xi-oos, tau txib peb los ua cim rau cov neeg Yixalayees. #Henpl 2:13
19Tiamsis cov neeg yuav kom nej ciali mus nug cov neeg saib hmoov thiab saib yaig uas haislus tujtaws. Lawv yuav hais tias, “Puas tsimnyog cov pejxeem mus nug lawv tej nyuag vajtswv thiab mus nug cov neeg tuag txog cov neeg ciaj?”
20Nej ciali teb lawv tias, “Mloog tej lus uas tus TSWV qhia rau nej xwb! Tsis txhob mloog cov neeg txawj saib yaig tej lus—tej uas lawv qhia rau nej ntawd yeej txwv tsis tau kom tsis txhob muaj teebmeem los raug nej.”#8:20: Nqe 20 no paub tsis meej tias lus Henplais yog txhais licas tiag.
Lub Sijhawm Txomnyem
21Cov pejxeem yuav ncig mus ncig los thoobplaws lub tebchaws, mas yuav ntxhovsiab thiab tshaib plab. Thaum lawv tshaib plab thiab lawv chim, lawv yuav foom phem rau lawv tus vajntxwv thiab lawv tus Vajtswv. Lawv yuav tsa qhovmuag saib saum ntuj 22thiab saib hauv av, los tsuas pom kev nyuajsiab thiab kev tsausntuj xwb. Luag yuav raws lawv khiav mus rau hauv qhov tsausntuj nti uas ua rau lawv ntshai heev.
Currently Selected:
Yaxayas 8: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
