Yaxayas 56
56
Txhua Haivneeg Yuav Yog Vajtswv Haivneeg
1Vajtswv hais rau Nws haivneeg tias, “Ciali coj ncaj thiab ua qhov yog xwb, tshuav tsis ntev lawm Kuv yuav los cawm nej. 2Kuv yuav foom koobhmoov rau cov uas coj thiab hwm hnub Xanpataus. Kuv yuav foom koobhmoov rau txhua tus uas tsis ua kev phem kev qias.”
3Tus neeg txawv tebchaws uas los koom tus TSWV haivneeg lawm, tsis txhob hais tias, “Tus TSWV yuav tsis kam kuv nrog Nws haivneeg pehawm Vajtswv.”
Tus neeg uas raug sam lawm tsis txhob hais tias, “Kuv tsuas zoo li tus ntoo qhuav lawm xwb.” 4Tus TSWV hais rau tus neeg sam tias, “Yog koj hwm Kuv hnub Xanpataus, thiab yog koj ua haum Kuv siab thiab coj rawsli Kuv txoj kevcai, 5mas Kuv yuav pub koj muaj npe nyob rau hauv Kuv lub Tuamtsev thiab ntawm tej phabntsa mus ibtxhis li. Qhov ntawd tseem zoo dua li koj muaj tub thiab muaj ntxhais coob.”
6Thiab tus TSWV hais rau cov neeg txawv tebchaws uas los zwm ua Nws haivneeg, uas hlub Nws thiab tiam Nws, hwm Nws hnub Xanpataus thiab coj rawsli Nws txoj kevcai tias, 7“Kuv yuav coj nej mus rau ntawm Kuv lub roob dawbhuv,#56:7: roob dawbhuv: Saib 2:3. thiab pub kom nej muaj kev zoosiab nyob hauv Kuv lub tsev thov Vajtswv, thiab Kuv yuav txais nej tej khoom uas muab fij rau saum Kuv lub thaj. Kuv lub Tuamtsev yuav hu ua txhua haivneeg qhov chaw thov Vajtswv.” #Math 21:13; Malak 11:17; Lukas 19:46
8Tus TSWV uas kav ibpuas tsavyam tau coj Nws haivneeg Yixalayees uas raug luag ntes mus lawm rovqab los tsev, thiab tau coglus hais tias Nws tseem yuav coj lwm haivneeg los koom nrog lawv thiab.
Yixalayees Cov Thawjcoj Raug Txim
9Tus TSWV tau hais rau cov neeg txawv tebchaws kom lawv los ib yam li tej tsiaj qus los noj Nws haivneeg. 10Nws hais tias, “Tagnrho cov thawjcoj, uas tsimnyog ceebtoom rau Kuv haivneeg, tej qhovmuag dig lawm! Lawv tsis paub ib yam dabtsi li. Lawv zoo li tej dev zov tsev uas tsis txawj tsej—lawv tsuas pw ntxeev luj luam thiab ua npausuav nkaus xwb. Yog licas lawv yuav nyiam tsaugzog ualuaj! 11Cov dev ntawd noj ntau npaum licas los tsis paub tsau li. Cov thawjcoj no tsis totaub ib yam dabtsi li. Lawv nyias taus nyias ua li lawv lub siab nyiam thiab nyias tsuas xav kom nyias tau ntau xwb. 12Cov neeg quavcawv ntawd hais tias, ‘Ciali muab cawv los thiab haus kom ntau npaum li peb haus tau! Tagkis peb tseem yuav haus ntau tshaj hnubno thiab!’ ”
Currently Selected:
Yaxayas 56: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
