Yaxayas 4
4
1Thaum txog lub sijhawm ntawd, xya tus pojniam yuav mus ntes ib tug txiv thiab hais tias, “Peb nrhiav rau peb noj peb hnav, tiamsis thov cia peb hu koj tias yog peb tus txiv, kom peb thiaj yuav tsis raug kev txajmuag tias peb tsis muaj txiv.”
Lub Nroog Yeluxalees Yuav Raug Kho Dua Tshiab
2Thaum txog lub sijhawm ntawd, tus TSWV yuav ua kom txhua yam nrojtsuag thiab ntoo hauv lub tebchaws ntawd rov lojhlob thiab zoonkauj heev. Cov pejxeem Yixalayees uas seem yuav zoosiab thiab txaussiab heev rau tej qoobloo uas lawv ua tau hauv tej teb. 3Txhua tus neeg seem nyob hauv Yeluxalees, uas Vajtswv tau xaiv tseg cia kom muaj sia, yog cov uas luag yuav hu hais tias lawv yog cov dawbhuv. 4Los ntawm tus TSWV lub hwjchim, Nws yuav txiavtxim thiab ntxuav lub nroog Yeluxalees tej kev txhaum thiab ntxuav tej ntshav uas nrog rau hauv lub tebchaws ntawd.
5Ces thaum nruabhnub, Vajtswv yuav ua kom muaj huab los; thiab thaum hmontuj, Nws yuav ua kom muaj nplaimtaws cig lamlug rau saum lub Roob Xi-oos thiab rau txhua tus tuaj sibsau uake rau ntawd. Vajtswv tus tshwjchim yuav los roos thiab tivthaiv tagnrho lub nroog ntawd. #Khiav 13:21; 24:16 6Nruabhnub Vajtswv tus tshwjchim yuav ua duab ntxoo los roos lub nroog kom tshav tsis txhob kub, ua lub chaw rau lawv tau nyob kajsiab thiab ua lub tsev rau lawv tau nkaum nagxob nagcua.
Currently Selected:
Yaxayas 4: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
