Yaxayas 35
35
Zaj Nkauj Ua Vajtswv Tsaug
1Tiaj suabpuam thiab lub tebchaws uas qhuav nkig nkuav yuav zoosiab heev,
thiab yuav muaj paj tawg rau saum tej av qhuav.
2Tiaj suabpuam yuav hunkauj thiab qw zoosiab;
nws yuav zoonkauj yam li tej Roob Lenpanoos
thiab av yuav zoo npaum nkaus li tej teb saum lub Roob Khamees thiab Saloos.
Txhua tug yuav pom tus TSWV lub koobmeej
thiab Nws lub hwjchim loj uas ci ntsa-iab.
3Ciali txhawb txhais tes uas tsaugleeg,
thiab lub hauvcaug uas tshee na tsis muajzog lawm. #Henpl 12:12
4Hais rau txhua tus uas qaugzog tias,
“Ciali muajzog khovkho thiab tsis txhob ntshai!
Vajtswv yuav los cawm nej,
los rautxim rau nej cov yeebncuab.”
5Tus neeg digmuag yuav pomkev,
thiab tus lagntseg yuav hnov lus.
6Cov neeg savceg yuav dhia pajpaws li tus muaslwj,
thiab cov neeg hais tsis tau lus yuav qw zoosiab.
Dej cag yuav ntws mus rau hauv tiaj suabpuam; #Math 11:5; Lukas 7:22
7tej xuabzeb uas kub heev yuav ua pas dej,
thiab av qhuav yuav txhawv dej txhua qhov.
Hma tej chaw nyob,
yuav tuaj nroj thiab lojkov tas.
8Yuav muaj ib txoj niamkev
hu ua “Txojkev Uas Dawbhuv.”
Tsis muaj neeg txhaum yuav taug txojkev ntawd;
cov neeg ruam yuav tsis taug txojkev ntawd hlo li.#35:8: Nqe no sau hais tias neeg ruam… hlo li; paub tsis meej tias lolus Henplais yog txhais licas tiag txog qhov no.
9Yuav tsis muaj tsov ntxhuav nyob qhov ntawd,
yuav tsis muaj tej tsiaj nyaum taug txojkev ntawd.
Cov uas tus TSWV twb cawm lawm
thiaj taug txojkev ntawd xwb.
10Lawv yuav rov los txog hauv Yeluxalees nrog txoj kev zoosiab,
hunkauj thiab qw ntshoonrooj zoosiab kawg.
Lawv yuav zoosiab mus ibtxhis,
kev quajntsuag thiab kev tusiab yuav tsis muaj li lawm.
Currently Selected:
Yaxayas 35: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
