Yaxayas 27
27
1Hnub ntawd tus TSWV yuav siv Nws rab ntaj uas loj, khov, thiab muaj hwjchim los rautxim rau tus Leviathas, uas yog tus zajtxwg zajlaus, uas ntswg pesyos, thiab Nws yuav tua tus zaj#27:1: Leviathas… zaj: Rawsli keebkwm mas cov zaj no yog pivtxwv txog tej haivneeg uas tsimtxom cov Yixalayees. uas nyob hauv hiavtxwv. #Yauj 41:1; Nnkauj 74:14; 104:26
2Hnub ntawd tus TSWV yuav hais txog Nws lub vaj txivhmab uas ntxim siab tias, 3“Kuv, uas yog tus TSWV, yog tus tu lub vaj thiab rausiab ntso ywg dej rau txhua lub sijhawm. Kuv zov rawv nruabhnub hmontuj, kom tsis txhob muaj leejtwg tuaj ua phem rau lub vaj. 4Kuv tsis chim rau lub vaj txivhmab lawm. Yog tej hmab pos thiab ntoo pos sawv uarog tawmtsam Kuv, Kuv yuav muab lawv hlawv kom kubhnyiab tag huv tibsi. 5Tiamsis yog Kuv haivneeg cov yeebncuab xav kom Kuv tsomkwm lawv, cia lawv cog kev sib haumxeeb nrog Kuv. Yog lau, cia lawv cog kev sib haumxeeb nrog Kuv.”
6Muaj ib hnub tomntej no, haivneeg Yixalayees, uas yog Yakhauj cajces, yuav nrhau cag ib yam li ntoo, yuav hlav nplooj thiab tawgpaj. Lawv tej txiv yuav puvnkaus lub ntiajteb.
7Yixalayees twb tsis tau raug tus TSWV ntaus sab npaum li lawv cov yeebncuab raug, thiab twb tsis tau raug tua tuag coob npaum li lawv cov yeebncuab raug. 8Tus TSWV rautxim rau Nws haivneeg los ntawm qhov uas Nws muab lawv ntiab tawm hauv lub tebchaws mus. Nws ntiab lawv tawm nrog cov cua phem uas ntsawj sab hnubtuaj tuaj.#27:8: Nqe 8 no paub tsis meej tias lolus Henplais yog txhais licas tiag. 9Tiamsis qhov uas yuav zam tau Yakhauj lub txim, yog yuavtsum muab tej pobzeb uas teeb ua lub thaj tsoo kom tawg ua hmoov yam li hmoovsib, thiab tsis tseg ib lub thaj hlawv hmoov tshuaj tswqab, lossis tseg tej yam cim uas qhia txog tus mlom pojniam Aselas nyob qhovtwg li.
10Lub nroog uas txhim zeb khovkho raug puastsuaj tag. Nws yuav ua suabpuam zoo li tej roob mojsab qhua uas nyob docuas cia. Nws yuav ciaj ua ib lub tshav zaub rau nyuj tau pw thiab noj zaub. 11Tej ceg ntoo ciali qhuav thiab lov tag, thiab tej pojniam yuav mus khaws los ua taws rauv. Vim haivneeg no tsis muaj kev totaub kiag li, Vajtswv tus uas tsim lawv yuav tsis hlub lawv lossis tabncuab lawv li.
12Hnub ntawd, txij ntua ntawm tus Dej Yufatis mus txog ntua rau ntawm cov Iziv tus ciamteb; tus TSWV yuav txheeb Nws haivneeg ib tug zujzus, ib yam li cais tej npluag tawm ntawm cov nplej.
13Hnub ntawd, luag yuav tshuab raj tshuab xyu hu cov Yixalayees txhua tus uas raug ntiab mus rau tebchaws Axilias thiab tebchaws Iziv lawm rov los. Lawv yuav rovqab los pehawm tus TSWV hauv lub nroog Yeluxalees, saum Nws lub roob dawbhuv.#27:13 lub roob dawbhuv: Saib 2:3.
Currently Selected:
Yaxayas 27: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
