Yaxayas 20

Lub Cim Txog Tus Xibhwb Cev Vajtswv Lus Uas Liabqab

1Xyoo uas Xankoos ua huabtais kav tebchaws Axilias, nws tau tso nws tus thawj tubrog tuaj tua cov neeg Filixatees lub nroog Asedaus, thiab txeeb tau lub nroog ntawd. 2Peb lub xyoos uantej uas lub nroog Asedaus poob mus ntawd, tus TSWV tau hais rau Yaxayas, uas yog Amoj tus tub, kom ciali muab Yaxayas nkawm khau khiab thiab cev ristsho ntaub tsaj uas nws hnav ntawd hle. Ces Yaxayas txawm ua li ntawd thiab txawm mus kev liabqab thiab tsis rau khau li.

3Thaum lub nroog Asedaus raug luag txeeb tau lawm, tus TSWV tau hais tias, “Kuv tus tubtxib Yaxayas tau taug kev liabqab thiab tsis rau khau tau peb xyoos lawm. Qhov no ua lub cim qhia tias, yuav muaj tej xwmtxheej los raug cov Iziv thiab cov Itiupias.#20:3: Phau lus Henplais hais tias neeg Khuses: Khuses yog ib lub npe thaum ub uas nyob rau ib cheebtsam qabteb ntawm tus Dej Nais. Cheebtsam no, nyob rau tiam thaum nomtswv Loos kav tebchaws, yog hu ua Itiupias, uas tus ciamteb yog los ti nkaus rau tebchaws Xudas thiab tiam nimno hu ua Itiupias. 4Axilias tus huabtais yuav muab cov Iziv thiab cov Itiupias uas nws ntes tau ntawd hle ristsho liabqab coj mus kaw. Cov hluas thiab cov laus yuav mus kev tsis rau khau thiab liabqab, pobtw liabploog, ua rau cov Iziv txajmuag kawg li. 5Tej neeg uas tsosiab rau cov Itiupias thiab khav txog cov Iziv, yuav poobsiab thiab tas kev ciasiab. 6Lub sijhawm ntawd cov neeg uas nyob ntawm ntug hiavtxwv uas npuab tebchaws Axilias yuav hais tias, ‘Nej sim saib cov neeg uas peb ciasiab rau tias yuav tivthaiv peb ntawm cov Axilias tus huabtais seb! Zaumno peb yuav ua licas thiaj khiav dim lau?’ ”

Currently Selected:

Yaxayas 20: MWW2022

Highlight

Copy

Compare