Yaxayas 18
18
Vajtswv Yuav Rautxim Rau Cov Itiupias
1Dhau ntawm Itiupias#18:1 Phau lus Henplais hais tias neeg Khuses: Khuses yog ib lub npe thaum ub uas nyob rau ib cheebtsam qabteb ntawm tus Dej Nais. Cheebtsam no, nyob rau tiam thaum nomtswv Loos kav tebchaws, yog hu ua Itiupias, uas tus ciamteb yog los ti nkaus rau tebchaws Xudas thiab tiam nimno hu ua Itiupias. cov dej loj rau sabnraud, muaj ib lub tebchaws uas hnov tej suab tis ntxuaj, 2uas yog cov xeebcom tsav cov nkoj uas muab lojkov los ua, tawm hauv lub tebchaws taug tus Dej Nais tuaj. Nej cov neeg xa xov uas khiav ceev heev, nej ciali mus rau ntawm nej lub tebchaws uas muaj dej quas, mus rau nej haivneeg uas muaj hwjchim thiab muajzog heev, mus rau hauv nej cov neeg uas loj siab thiab nqaijtawv mosnyoos, uas tej neeg nyob deb thiab nyob ze puavleej ntshai.
3Txhua tus uas nyob hauv ntiajteb no ciali mloog! Tsa qhovmuag saib tus chij uas yuav muab tsa rau saum hauv roob! Ciali mloog lub suab rajxyu uas luag tshuab! 4Tus TSWV hais rau kuv tias, “Kuv yuav ua twjywm saib saum ntuj tuaj, ib yam li lub lwgdej uas chiv muaj thaum hmontuj lub caij ntuj tsaug uas sau qoobloo, thiab ib yam li tshav pib tawm tuaj ziab thaum nruabhnub. 5Uantej sau tej txivhmab, thaum uas tej paj txivhmab zeeg thiab tej txivhmab pib siav, yeebncuab yuav tuaj tua cov Itiupias#18:5: saib 18:1 yoojyim npaum nkaus li muab riam txiav tej ceg txivhmab. 6Luag yuav muab lawv cov tubrog tej cev tuag tsotseg rau tej tsiaj qus thiab noog noj. Lub caij ntuj qhua noog yuav tau noj lawv, thiab lub caij ntuj no tej tsiaj yuav tau noj lawv.”
7Thaum txog lub sijhawm ntawd, tus TSWV uas muaj Hwjchim Loj Kawg Nkaus yuav tau txais tej khoom fij ntawm lub tebchaws uas muaj dej quas, ntawm haivneeg uas muajzog thiab muaj hwjchim heev, cov uas loj siab thiab nqaijtawv mosnyoos, uas tej neeg nyob deb thiab nyob ze puavleej ntshai. Lawv yuav tuaj rau saum Roob Xi-oos, qhov chaw uas pehawm tus TSWV uas muaj Hwjchim Loj Kawg Nkaus. #Xefani 2:12
Currently Selected:
Yaxayas 18: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
