Yaxayas 12
12
Zaj Nkauj Ua Vajtswv Tsaug
1Hnub ntawd koj yuav hunkauj hais tias,
“Tus TSWV, kuv ua Koj tsaug! Koj tau chim heev rau kuv,
tiamsis nimno Koj nplig kuv lub siab thiab tsis chim lawm.
2Vajtswv yeej yog kuv tus Cawmseej;
kuv yuav tsosiab rau Nws thiab yuav tsis ntshai li.
Tus TSWV yog kuv lub zog thiab yog kuv zaj nkauj;
Nws yog kuv tus Cawmseej. #Khiav 15:2; Nnkauj 118:14
3Cov dej ntshiab muab tau kev zoosiab rau tus nqhis dej npaum licas,
ces Vajtswv haivneeg zoosiab thaum Nws cawm lawv dim npaum li ntawd.”
4Hnub ntawd, cov neeg yuav hunkauj hais tias,
“Ciali ua tus TSWV tsaug! Ciali hu Nws los pab nej!
Qhia tej uas Nws tau ua tas los rau txhua haivneeg paub!
Qhia rau lawv tias Nws muaj hwjchim npaum licas!
5Ciali hunkauj qhuas tus TSWV vim Nws tau ua tej txujci uas tseemceeb tiag-tiag.
Cia kom thoobplaws lub ntiajteb hnov txog zaj no.
6Nej txhua tus uas nyob hauv Xi-oos ciali qw thiab hunkauj!
Cov Yixalayees tus Vajtswv Dawbhuv yog tus muaj Hwjchim,
thiab Nws nyob nrognraim Nws haivneeg.”
Currently Selected:
Yaxayas 12: MWW2022
Highlight
Copy
Compare
Share
Want to have your highlights saved across all your devices? Sign up or sign in
© 2022 United Bible Societies. All rights reserved.
