Zabur 73
73
Zaburay sayomi ketáb
Zabur 73—89
Á ke cha taw dur ant gár o gomsára bant
Asápay Zabur.
1Pa rásti Hodá pa Esráilá mehrabán ent,
pa hamáyán ke delesh sáp ent.
2Bale kammé mantagat bethagalán,
nazzik at pád belakoshant.
3Chiá ke pa porkebrán hasaddi bután,
hamá wahdá ke man badkár ábádi o ásudagiá distant.
4Chiá ke áyán tán marká dardé per nést o
wassh o sérláp ant.
5Á degaráni paymá ranj o zahmatá naant o
mardomi baláháni tahá nakapant.
6Paméshká kebr áyáni gwaray hár ent o
hezhm o gazab áyáni póshák.
7Chammesh cha pazzóriá dar átkagant o
delay hayálánesh haddé nést.
8Pa maskará o badwáhi habara kanant,
pa kebr zolm o setamá wati zobáná kárant.
9Dapá ásmánay helápá pacha kanant o
zobánesh sajjahén zeminá gipt.
10Paméshká kawm dém pa áyána rawt o
pa galé hamáyáni dastay ápána wárt.
11Gwashant: “Hodá che paymá zánt?
Borzén arshay Hodáyá é dhawlén zántkári hast?”
12Haw, badkár chosh ant,
modám ásudag ant o mál o melkatesh démá rawán ent.
13Pa rásti man wati del mopt o náhudagá pák dáshtag o
dast mán bégonáhiá shoshtagant.
14Har róch ázárán kaptagán o
har sohbá hakkala warán.
15Agan begwashténon: “É habarána kanán,”
man tai chokkáni nasl dróhetagat.
16Wahdé é sajjahén chizzáni zánagay johdon kort,
pa man grán at,
17tán hamá wahdá ke Hodáay pákén jágahá shotán.
Nun é mardománi ákebaton dist.
18Pa rásti áyán lakoshánkén jáhána perrénay,
gár o gomsáriay chátá dawra dayay.
19Anágat gár o zawála bant,
cha torsá sarjamá bérána bant.
20Wábéay dhawlá ant ke wahdé chamm pacha bant gára bit,
á wahdá ke taw páda káay, oo Hodáwand,
eshán wahméay paymá mána nayáray.
21Á wahdá ke mani arwáh zahr o tahl at o
del résh,
22bépahm o nazántkár atán,
tai dargáhá haywánéay paymá,
cha pahm o póhá dhann.
23Angat ham modám gón taw án,
taw mani rástén dastá geray.
24Gón wati sar o sóján maná rahshónia kanay o
randá gón shán o shawkaté zuray.
25Ásmáná, abéd cha taw maná kay hast?!
Zeminá ham, abéd cha taw hech chizzé nalóthán.
26Mani jesm o ján o del balkén zawál bebant,
bale Hodá mani delay kalát ent,
tán abad mani gisshetagén bahrwandh.
27Pa rásti á ke cha taw dur ant gár o gomsára bant o
hamáyán bérána kanay ke gón taw béwapá ant.
28Bale pa man wasshi hamesh ent ke Hodáay nazziká bebán,
Hodáwandon wati panáhgáh kortag,
tán tai sajjahén kárán jár bejanán, oo Hodáwand!
Currently Selected:
Zabur 73: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
