Zabur 129
129
Maná ázáresh dátag
Dém pa Urshalimá borzád rawagay sawté.
1“Áyán maná cha warnáiá sakk báz ázár dátag,”
Esráil begwashát:
2“Maná cha warnáiá sakk báz ázáresh dátag
bale maná chérdastesh kort nakortag.
3Nangár kanókán mani srén nangár kortag o
pal#129:3 Pal, bezán nangáray pad, kalmér dráj kortagant.
4Bale Hodáwand ádel ent,
badkáráni zamzili sestant o maná ázáti kort.”
5Hamá ke cha Sahyuná naprata kanant,
sharmsár bát o poshtá bekenzátant.
6Chó bánáni saray káhá bátant
ke cha rodagá pésar hoshka bit,
7ke ronókay panjagay porré nabit,
chenókay bagalá porra nakant.
8Rahgwazé ham pa áyán nékdwai makanát o magwashát:
“Hodáwand shomárá barkat bedayát,
má Hodáwanday námá shomárá barkata dayén.”
Currently Selected:
Zabur 129: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
