Zabur 130
130
Hodáwanday wadárá án
Dém pa Urshalimá borzád rawagay sawté.
1Man cha johlánkián tará tawára kanán, oo Hodáwand!
2Hodáwand! Mani tawárá gósh dár,
mani peryát o zárián delgósh kanátay.
3Oo Hodáwand! Agan taw gonáhán hesáb bekanay,
gorhá kay pashta kapit, oo Hodáwand?
4Bale taw bakshendah ay
tánke tai tors may delá bebit.
5Man pa Hodáwandá wadára kanán,
mani sajjahén del o ján wadára kant o
mani omét gón Hodáay habará ent.
6Pa Hodáwandá wadára kanán
cha hamá negahpánán géshter ke sohbay wadárá ant,
haw, cha hamá negahpánán géshter ke sohbay wadárá ant.
7Oo Esráil! Ométá pa Hodáwandá bedár,
ke mehr gón Hodáyá ent o
kámelén rakkénag hamáiay dastá ent.
8Á wat Esráilá mókit
cha áyáni sajjahén gonáhán.
Currently Selected:
Zabur 130: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
