Zabur 128
128
Hodátorsiay bahtáwari
Dém pa Urshalimá borzád rawagay sawté.
1Bahtáwar hamá ent ke Hodáwanday torsi delá ent o
áiay parmánbardáriá gáma jant.
2Taw wati zahmatay bar o samará waray o
bahtáwar o washhála bay.
3Tai jan tai lógay tahá
chó bar áwarén angurá bit,
tai chokk tai parzónagay chapp o chágerdá
chó zaytunay nahálá bant.
4Haw, hamá mardom ke Hodáwanday tors áiay delá ent
hamé dhawlá bahtáwara bit.
5Hodáwand cha Sahyuná tará barkat bedayát,
Urshalimay ábádiá begendátay,
wati zenday sajjahén róchán.
6Wati chokkáni chokkán begendátay,
Esráil émen o salámat bát.
Currently Selected:
Zabur 128: HPKB
Highlight
Copy
Compare
Share
Want to have your highlights saved across all your devices? Sign up or sign in
© 2015-2022, Wycliffe Bible Translators, Inc. and the Balochi Bible Translation Team. All rights reserved.
