یوهَنّا 2
2
ایسّائے ائولی مۆجِزه
1سئیمی رۆچا، جَلیلا، کانا نامێن مێتگێا، سور و آرۆسے هست‌اَت و ایسّائے مات همۆدا اَت. 2ایسّا و آییئے مُریدِش هم لۆٹتگ‌اَتنت. 3وهدے شراب#2:3 پاکێن کتابئے تها هر جاگه که شرابئے لبز آتکگ، اِشیئے مانا چه انگورا جۆڑ بوتگێن شراب اِنت که اِنگرێزیا ”wine“ گوشگَ بیت. هَلّتنت، ایسّائے ماتا گۆن آییا گوَشت: ”اِشان دگه شراب نێست.“ 4گوَشتی: ”او بانُک! منا و ترا گۆن اِشیا چِه کار؟ منی وهد اَنگت نئیاتکگ.“ 5ماتا گۆن کارندهان#2:5 کارنده، بزان کاردار، نئوکر. گوَشت: ”هرچے که شمارا گوَشیت، هما کارا بکنێت.“
6اۆدا شَش سِنگێن کونزگ#2:6 اے کونزگ کُمب‌پئیمێن مزنێن کونزگ اَتنت. اێر اَت که هر یکّێا هشتاد تان سَد و بیست لیتر#2:6 اَسلیگێن یونانی نبشتانکَ گوَشیت: ”دو تان سئے مِترِتِس“. آپَ داشت و یَهودیانی شُشت و شۆدی رسمان کارمرزَ بوتنت. 7ایسّایا گۆن کارندهان گوَشت: ”کونزگان چه آپا پُرّ کنێت.“ گڑا کونزگِش چه آپا پُرّ کرتنت. 8ایسّایا گوَشت: ”نون کَمُّکے بکَشّێت و په دیوانئے کماشا ببرێت.“ آیان اَنچُش کرت. 9اے آپ که شراب بوتگ‌اَتنت، دیوانئے کماشا چَشِتنت. نزانتی که چه کجا آرگ بوتگ‌اَنت، بله هما کارندهان که آپ کَشّتگ‌اَتنت، آیانَ زانت. نون دیوانئے کماشا، سالۆنک تئوار جت و 10گوَشتی: ”هرکَس مهمانان شرترێن شرابا پێسرا دنت. وهدے آ مَست و ملارَ بنت، رَندا اَدنا#2:10 اَدنا، بزان اَرزان، کَمکیمَّت، کَم‌اَرزِش. و اَرزانترێنا کاریت. بله تئو شرترێن شراب نۆکی آورتگ.“
11اے مۆجزه و اَجَبَّتێن نشانی که ایسّایا جَلیلئے مێتگ کانایا پێش داشت، آییئے ائولی مۆجزه اَت. آییا گۆن همے مۆجزها وتی شان و شئوکت زاهر کرت و مُریدان آییئے سرا ایمان آورت. 12رَندا ایسّا گۆن وتی مات و برات و مُریدان کَپَرناهومئے شهرا شت. لهتێن رۆچا همۆدا داشتِش.
ایسّا چه پرستشگاها سئوداگرانَ گلّێنیت
(مَتّا 21:12–13؛ مَرکاس 11:15–17؛ لوکا 19:45–46)
13یَهودیانی پِسَه، بزان سَرگوَزئے ائیید#2:13 اے ائییدا سَرگوَزئے ائیید پمێشکا گوَشنت که چه مِسریانی چێردستیا اسراییلیانی آزاتیئے وهدا، مَرکئے پرێشتگ چه اسراییلی مردێن‌چُکّانی کُشگا سر گوَست. نزّیکّ اَت. پمێشکا، ایسّا اورشَلیما شت. 14دیستی که مزنێن پرستشگاها مردم گۆک و پَس و کپۆتئے بها کنگا گُلاێش اَنت و سَرّاپ#2:14 سَرّاپ، بزان هما مردم که زَرّ بها زوریت و زَرّ بَها کنت. هم نِشتگ‌اَنت. 15گڑا چه سادا هئیزرانے جۆڑی کرت و سجّهێن سئوداگر و پَس و گۆکی چه پرستشگاها گلّێنتنت#2:15 گلّێنَگ، بزان تاچێنَگ، دَر کنگ، دور راه دئیگ. و سَرّاپانی زرّ و سِکَّه‌ای هم رێتکنت و ٹێبَلی#2:15 ٹێبل، بزان مێز، مزنێن چارپادگ. چپّی کرتنت. 16گۆن کپۆت بها کنۆکان گوَشتی: ”اے چیزّان چه اِدا در کنێت. منی آسمانی پتئے لۆگا بازارے مکنێت.“ 17نون مُرید یاتا کپتنت که هُدائے پاکێن کتابا نبشته اِنت: آ جۆش و گئیرت که منا په هُدائے لۆگا هست‌اِنت، منا سۆچیت و پُرَ کنت.#2:17 زَبور 69:9.
18گڑا یَهودیان گوَشت: ”تئو گۆن چۆنێن مۆجزه و اَجَبَّتێن نشانیے سابتَ کنئے که ترا اے کارانی اِجازت هست‌اِنت؟“ 19ایسّایا گوَشت: ”اے مزنێن پرستشگاها بپْرۆشێت، من سئے رۆچا پدا چستیَ کنان.“ 20یَهودیان گوَشت: ”اے مزنێن پرستشگاه، چِلّ و شَش سالا جۆڑ کنگ بوتگ، تئو چۆن اِشیا سئے رۆچا چستَ کنئے؟“ 21بله آ پرستشگاه که ایسّا آییئے بارئوا هبر کنگا اَت، آییئے جندئے جسم و جان اَت. 22ایسّائے مِرَگ و جاه جنَگا#2:22 جاه جنَگ، بزان چه وتی جاها یکدم پاد آیگ، زندگ بئیگ، چست بئیگ. رَند، مُرید یاتا کپتنت که آییا وت اے هبر گوَشتگ‌اَت. نون آیان هُدائے پاکێن کتاب و ایسّائے هبرانی سرا ایمان آورت.
23آ رۆچان، ایسّا سَرگوَزئے ائییدا اورشَلیما اَت. بازێن مردمێا که ایسّائے اَجَبَّتێن نشانی دیستنت، آییئے نامئے سرا ایمانِش آورت. 24بله ایسّایا آیانی ایمانئے سرا باوَر نکرت، چێا که آییا سجّهێنانی دل و درونَ#2:24 درون، بزان باتِن، اَندرون. زانت. 25آییا انسانئے بارئوا هچکَسئے گواهیئے زلورت نه‌اَت، چێا که آ، انسانئے دلئے هر هالا سهیگ اَت.
Currently Selected:
یوهَنّا 2: HPKB
Highlight
Share
Copy
Want to have your highlights saved across all your devices? Sign up or sign in
© 2016-22 Wycliffe Bible Translators, Inc.