Tito 3
3
Bingo Bitondo Bikutunda Kalaga Buno Bantu Bage Bakite.
1Bakengelesie buno banze bakota, nu bangati, babe na luanzo, nu babe kayikayika ku mulimo na mulimo musoga, 2tabalinge muntu, nu tabende miango, nu bole, nu babote ku bantu bansania. 3Kubuno wakalazi nuisue tuabezaga bikongolo, nu banani, nu tuengeledue, nu tuabogagabogaga mu bitondo bitasuaga, nu tuabezaga na kiango nu lugi, tuabezaga tuasombana. 4Tondo gamonekile busoga bua Kalaga Monia weitu, nu lutundo luage ku bantu, 5ta ku misako zeisa zituakitile, tondo ku kiombo kiage kiatukuilide, atonezie ku kusugua kua kubutua lingo nu kuba bato na Muuza Wasililila, 6watukasile nunse mu Yesu Klisto Monia weitu; 7buno, tubingibue ku mponga zage, buno tupiene ku kilemanizio kia kalamo katanakuzinda. 8Musagu wono watananina kukatizibua, nu bitondo bibino nkutunda wakokomezia kubitenda, buno babo bakatizizie Kalaga bakengele kukita kankanka misako misoga. Bitondo bibino bili bisoga nu bia mutali ku bantu: 9tondo bembuka mbuzio za bukongolo, nu misagu za bibuti, nu nsake, nu miango ku kitondo kia mulembe; kubuno tabili na mutali, bili buliabulia. 10Ndi muntu ekuanzukania bantu, kungua wamusungula itangi nu lia mabili ntongua, nti widekanukia nage; 11nu nti wamenya buno muntu uli bubo, alubikana, nu akuaga, nti ekuisungia wenyene.
12Kungua nasinga Alutema kuguli, aga Tukiko, nti wasasia kuvua kuno kundi ku Nikopoli: kubuno nende kuikala kuko mu nkungu za mpego. 13Sasia kusinga Zena musozi wa mulembe nu Apolo ku lugendo luabo, buno tabasige kena. 14Nu bantu beitu beiyigisie kukita misako misoga kankanka, buno bakite busoga, bubaba na biguma. 15Bansania bendi nabo bekukusambizia. Watusambizizia babo bakutuelama mu bukatizio. Mponga zibe kumuli bansania.
Currently Selected:
Tito 3: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
