Filemona 1
1
Mukanda Wasingaga Paolo ku Filemona. Paolo, nu Timoteo Bekusambizia Filemona.
1Paolo, mukandua wa Klisto Yesu, nu Timoteo mubuto weitu, ku Filemona mutundua weitu nu utukukitaga nage mulimo umozi, 2nu ku Apia mubitu weitu, nu ku Akipo mukoloboyo muneitu, nu ku ekelezia lili mu numba zobe: 3Mponga kumuli nu bubobelelo bukutukaga ku Kalaga Tateisue nu ku Mukota Yesu Klisto.
Paolo Ekubogaboga hu Kalaga ku Misako za Filemona.
4Nkusimaga Kalaga wane bindi binsania, nkukusegelaga, 5kubuno nkungua ku musagu wa lutundo luobe, nu bukatizio bobe buguli nabo ku Mukota Yesu, nu ku basuagibua bansania. 6Nkukusegela buno kugomia kuabo nobe nu bukatizio bobe kukubamenesia busoga butuli nabo mu Klisto. 7Kubuno nabezaga na mbogimbogi nnene nu kubobelezibua mu lutundo lobe, kubuno, mubuto weitu, wabogeziebogezie basuagibua.
Paolo Ekusengezia Filemona.
8Kububo ninamenya kukukakizia mu Klisto kububo buligo, 9tondo ku kabamba ka lutundo nkukusengezia, anga bubuno bunse mukungu nne Paolo, nu kano kaluma mukandua wa Yesu Klisto: 10nkukusengezia ku kabamba ka muana wane, unabutile mu kukandua kuane, Onesimo, 11ntalingaga kukusuagila, tondo kano kaluma esatusuagila: 12namusubia kuguli, we ese anga nne kuguli: 13natundaga kuikala nage, buno ankitile anga bugunakitide mu musagu musoga: 14tondo nsiatundile kukita butakutunda; tondo busoga bobe tabube kankanka ku kukakizibua, tondo anga bukutunda, 15Kubuno embe ku bubo ukinsa anzukene nobe bindi bimozi, buno wikale lingo nage milialia. 16Kano kaluma nteli lingo mukobe, tondo ese mubuto wobe nu namutunda nunse, nu eli mubuto wobe ku kubutua nu mu Mukota. 17Umpanga ndi ukunkengela buno nagomia nobe, kasi sekela wono anga bugunansekela. 18Nu ndi akuagide, aba ndi eli na nsombi, nti wambuziazo; 19nne Paolo nowasanza nnenyene, buno nalige: nsikutundanakuganzila bitondo bisoga binakukitide. 20Umpanga, mubuto wane mbogiembogie mu Mukota: nu mbogiembogie mu Klisto.
21Kubuno bukunanzaga ukinsa nakusanzila, nizi buno wakite nunse bunkutenda. 22Nu nkutunda wankungila kiziki kia kuikala: kubuno mukunsegela buno nivue kueinyu.
23Epapulo, unakandilue nage mu Yesu Klisto, akusambizia; 24nu Malako, nu Alisitako, nu Dema, nu Luka, benkukita nabo mulimo umozi bakusambizia.
25Mponga za Mukota weitu Yesu Klisto zibe nobe. Amena.
Currently Selected:
Filemona 1: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
