Tito 2
2
Tito Akukengelezia Bantu Bansania Buno Bakite Bitondo Bikutunda Kalaga.
1Tondo uwe igisia bitondo bia meigisia masoga; 2bubuno bakungu ba bamulume bole, nu banze, nu beisungule, nu balinde mu bukatizio, nu mu lutundo, nu mu nkiki; 3nu bubo ku bakungu ba bakikulu babe na muendezi wasuaga, nu tababe bakandiki, nu tabanue maku, tondo bekuigisia meigisia masoga; 4buno beigisie bakikulu beki bakinga belame beiba babo, nu kuelama bana babo, 5kuisungula, nu babe na misako misoga, nu bakite mulimo mu numba zabo, nu bakite mponga, nu banze beiba babo, bubo musagu wa Kalaga tawanyegue; 6nu bubo ku bamulume beki basikila ubane buno beisungule; 7nu uwe ku misako zobe nti uzibatikizia kuzo; nu mu meigisia mobe igisia buasuaga, nu kubota, 8nu ntunasungibua, ndi ukutenda buligo; buno wozo ukutunda kukusungia akue na nsoni, ku kutaba na lukumu lubi mu musagu weitu. 9Igisia bakobe buno banze bakota babo, nu kubatananizia mu binsania; tababenge bubekutenda; 10tabeibe, tondo balolesie bukatizio bunsania busoga; buno basuagie meigisia ma Kalaga Monia weitu mu bitondo binsania.
Ku Mponga Ukutonezibue.
11Kubuno mponga za Kalaga zikulusia lonio ku bantu bansania, 12nuzo zikutuigisia buno tusombe bubi nu ntundo za kisi, nu tulame mu kuisungula, nu mu kuisanana nu mu kuanza Kalaga mu nkiko za kano kaluma; 13nu kulindila kilemanizio kia mbogimbogi nu kumoneka kua lutanuno lua Kalaga munene u Monia weitu Yesu Klisto; 14u wikasene ku kabamba keitu, buno atonie ku bubi bunsania, nu kuiyengezia bantu babe bage we wenyene, nubo babe na komanizia ku makitilo masoga.
15Igisia bitondo bibino, nu kuana, nu kuzugila na buangato bunsania. Muntu unsania ntakubenge.
Currently Selected:
Tito 2: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
