Kulolesibua 8
8
Kamenyikilo ka Mutuba Kamo.
1Nu gakanduidue kamenyikilo ka mutuba kamo, mukobi wabede muigulu kindi kia nkungu imozi. 2Nu namonine ku migenzi mutuba kamo zemana lisa na Kalaga; nu bakasilue mionze mutuba kamo.
3Nu ungo mugenzi wavule wemanine ku kayulo, abezaga na nyungu za olo zakugisia bulago; nu bamukasile bulago buingi, buno asambike na masego ma basuagibua bansania ga kayulo ka olo kabezaga lisa na kisumbi kia bukota. 4Nu muki wa bubo bulago, witumukile na masego ma basuagibua witumukile ku Kalaga watukaga ku maboko ma mugenzi. 5Nu mugenzi wakatile nyungu zakugisia bulago; nu azizazizie na keiya ka kayulo, nu azisile ga kisi: nu kuabede mikulumino, nu moki, nu mikenzi, nu kisi kiatengiletengile.
6Nu zezo migenzi mutuba kamo babezaga na mionze mutuba kamo beibikile kayikayika kuzida.
7Nu wakulinga eidile monze, nu kuabeide mbula za lubula nu keiya, biatopulua na mikila, nu bisilue ga kisi: nu kindi kimozi kia bisatu kia kisi kiagide, nu kindi kimozi kia bisatu kia miti kiagide, nu bisugu binsania bibisi biagide.
8Nu mugenzi weibili eidile monze, nu kuabeide kimozi kiasusania anga muiduko munene waguluminaga keiya wisilue mu kitatenge: nu kindi kimozi kia bisatu kia kitatenge kiabeide mikila; 9nu kindi kimozi kia bisatu kia bibumbua biabezaga mu kitatenge biabezaga na kalamo, biakule; nu kindi kimozi kia bisatu kia mato kiabigile.
10Nu mugenzi weisatu widile monze, nu muigulu muakolokile lukenikeni lukukelima anga kasuku, nu luakolokeide ga kindi kimozi kia bisatu kia nuzi, nu ga tunua balongo tua mazi; 11nu izina lia lulo lukenikeni liamanagua Apisintu: nu kindi kimozi kia bisatu kia mazi kiabeide lubaba; nu bantu beingi bakule ku kitondo kia mazi, kubuno mabede lubaba.
12Nu mugenzi weinazi weidile monze, nu kindi kimozi kia bisatu kia kisongo kia busi, nu kindi kimozi kia bisatu kia muezi, nu kindi kimozi kia bisatu kia nkeninkeni; kiabeide kapilo, buno musi tagusanie kindi kimozi kia bisatu kiago, nu kindi nukio.
13Nu namonine nu nungule ku ndiu imozi, zalengaga muigulu, zatendile neiyuki inene bune, Kabebe, kabebe, kabebe, ku babo beli ga kisi, ku kabamba ka moki ma monze wa migenzi isatu zeide.
Currently Selected:
Kulolesibua 8: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
