Kulolesibua 7
7
Bakamenya Kuemana Busi Bubo.
1Nu kusila kua bubo, namonine ku migenzi enazi zemana ku ndenge inazi za kisi, bakatile mpumpu inazi za kisi, buno lumpumpu talupupe ku kisi, aba ku bitatenge, aba ku miti. 2Nu namonine ku ungo mugenzi wabakamaga muigulu, watukaga kukutukaga kisongo kia busi, uli na kamenyikilo ka Kalaga uli mulami: nu alalukile neiyuki inene ku migenzi enazi bakasilue magala kubigia kisi nu kitatenge, 3atendile bune, Tamubigie kisi, aba kitatenge, aba miti, aba nu gatukasila kubika tumenyikilo ga malanga ma bakobe ba Kalaga weitu. 4Nu nungule maganzo ma babo babikilue kamenyikilo, beli tununu lukama makumi manazi nu banazi, kutuka ku kikanga na kikanga kia balsalele,
5Ku kikanga kia Yuda, bantu tununu ikumi nu tubili babi kilue tumenyikilo;
Ku kikanga kia Lubena, tununu ikumi nu tubili;
Ku kikanga kia Gada, tununu ikumi nu tubili;
6Ku kikanga kia Ase, tununu ikumi nu tubili;
Ku kikanga kia Nafatale, tununu ikumi nu tubili;
Ku kikanga kia Manase, tununu ikumi nu tubili;
7Ku kikanga kia Simeona, tununu ikumi nu tubili;
Ku kikanga kia Lewi, tununu ikumi nu tubili;
Ku kikanga kia Isakala, tununu ikumi nu tubili;
8Ku kikanga kia Zebulona, tununu ikumi nu tubili;
Ku kikanga kia Yosefu, tununu ikumi nu tubili;
Ku kikanga kia Benzamini, tununu ikumi nu tubili;
babikilue kamenyikilo.
9Nu kusila kua bubo namonine ku musanganano munene wa bantu, gutanamenyine kuganza muntu, bantu ba kilongo na kilongo, nu ba kikanga na kikanga, nu bantu ba mutendezi na mutendezi, bemanine lisa na kisumbi kia bukota nu lisa na Muana wa Mukoko, bavualikizibue nsulu zenga, nu nanga za bibila mu maboko mabo; 10nu balalukile neiyuki inene, batendile bune,
Lonio luli ku Kalaga weitu wikile ga kisumbi kia bukota,
nu Muana wa Mukoko.
11Nu migenzi insania babezaga bemana batimbaga kisumbi kia bukota, nu bakulu nu bibumbua binazi bili na kalamo; nu baguide lisa na kisumbi kia bukota nu baganunaga Kalaga, 12batendile bune,
Amena: Mbogimbogi, nu lutanuno, nu menge, nu lusimo, nu luanzo, nu buangato, nu magala, bibe ku Kalaga weitu aba ku nkiko na nkiko zitanakuzinda. Amena.
13Nu umozi wa ku babo bakulu anakuide bune, Babano bavualikizibue nsulu zenga, beli banazi, nu batukile kuni? 14Nu namubuide bune, Mukota wane, uwe wizi. Nu ambuide lingo bune, Bantu babano bekutuka ku lubabazio lunene, nu basuguide nsulu zabo, nu zengile na mikila za Muana wa Mukoko. 15Kububuno babano beli lisa na kisumbi kia bukota kia Kalaga; nu bekumukitilaga musi nu kindi mu numba za kukumbamina; nu wozo wikile ga kisumbi kia bukota anze numba zage za nsulu gantata gabo. 16Tabakakua nzala lingo, aba tabakakua na mpusia lingo; aba tabakakua na musi lingo, aba muzuzo: 17kubuno Muana wa Mukoko eli munkatini mua kisumbi kia bukota akabalanga, nu akabasondelezia ku tunua balongo tua mazi ma kalamo: nu Kalaga akanyonyona bisozi binsania ku meiso mabo.
Currently Selected:
Kulolesibua 7: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
