Kulolesibua 17
17
Kisugo Kikusugua Mukikulu Kitazi Nunse.
1Nu umozi wa ku zezo migenzi mutuba kamo zabezaga na bituma mutuba kamo avule, nu antendile bune, Vua kuno, nikulolesie lusungio lua mukikulu kitazi nunse wikile gantata ga mazi meingi; 2nu bakota ba kisi bakitaga butazi na wozo, nu babo beikile ga kisi bakule na maku ma butazi buage. 3Nu wanekile mu magala ma Muuza mu kalula: nu namonine ku mukikulu eikala gantata ga nyama za kisimana, na meina ma bilingano, abezaga na matoe mutuba kamo nu mega ikumi. 4Nu mukikulu avualikizibue na nsulu za pulupele#17:4 pulupele-idangi lia nsulu za bukota. nu za kisimana, nu alebizibue na olo nu makozi ma bukunza bubibu nu pelele ningi, nu abezaga na kituma kia olo mu kuboko kuage kiyazibua na bitondo bibi, bia nsese za butazi buage, 5nu ga malanga mage gabezaga izina liasanzua bune, KEINDA, BABULONA MUNENE, NINA WA BIT AZI NU WA BITONDO BIBI BIA GA KISI. 6Nu namonine ku mukikulu akua na mikila za basuagibua, nu mikila za balongeki ba Yesu. Ganamulolile, nangamine nunse. 7Nu mugenzi wambuide bune, Kikizi kikukuangamia? Nkukubula buisulilua bua keinda ka mukikulu, nu ka nyama zikumueka, zili na matoe mutuba kamo nu mega ikumi. 8Nu nyama ziwamonine kuzo zabezagako nu taziliko; nu zise buigi kubasa mu muzinga utanakuzinda; nu zikuenda ku buzimizi.
Nu beikile ga kisi ku babo batasanzilue meina mabo mu mukanda wa kalamo kutukila kulinga kua kisi, bakangama kumona ku nyama zabezagako, nu taziliko, nu zikabako. 9Bubuno buli menge ma bumenyino. Matoe mutuba kamo meli miduko mutuba kamo, gago geikile mukikulu: 10nu bakota mutuba kamo beliko; batano bakule, nu umozi ekiliko, nu ungo ntevua; nuwe gakavua akeikala bindi bimozi. 11Nu nyama zabezagako, nu taziliko, eli mukota wa kinana, nu eli wa mutuba kamo; nu ekuenda ku buzimizi. 12Nu mega ikumi mamuamonine kumo meli bakota ikumi, nubo tabekasua bukota buabo; tondo bakasua buangato anga bakota, nkungu emozi na nyama. 13Nubo beli na luango lumozi, nu bekukasa magala mabo nu buangato buabo ku zezo nyama. 14Nu bakaluana bita na Muana wa Mukoko, nu Muana wa Mukoko akabakinda, kubuno we eli Mukota wa bakota, nu Muangati wa bangati; nu bantu beli nage ubabo bamaninue, nu basombolua, nu bakatizia, bakakinda nage. 15Nuwe ambuide bune, Mazi mawamonine kumo, mukikulu kitazi eikile gamo, meli bantu, nu misanganano za bantu, nu babilongo, nu ba mitendezi. 16Nu mega ikumi mawamonine kumo, nu nyama, bakasomba wozo mukikulu kitazi, nu bakamubenga nu kumuenzia mundulu, nu bakalia misuna zage, nu bakamuzikia na keiya. 17Kubuno Kalaga abikile bubuno mu mitima zabo kukita anga buakutunda, nu babe mutima umozi, nu kukasa bukota buabo ku nyama, aba nu gazindilile malagano ma Kalaga. 18Nu wozo mukikulu uwamonine kueli eli muino munene, uli na buangato ku bakota ba kisi.
Currently Selected:
Kulolesibua 17: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
