Kulolesibua 16
16
Tubebe Mutuba Kamo Tukamonekako.
1Nungule kuiyuki inene liatukile ku numba za kukumbamina liatendile ku migenzi mutuba kamo bune, Endazi, mukubule bituma mutuba kamo bia bongua bua Kalaga ga kisi.
2Nu mutangi endile, nu akubuide kituma kiage ga kisi; nu kuabeide biulu bibibu ku bantu babo babezaga na kakengelezio ka nyama, nu bakumbaminaga kisusania kiazo.
3Nu wa babili akubuide kituma kiage mu kitatenge; nu kiabeide mikila anga za kitumba; nu binsania biabezaga na kalamo mu kitatenge, biakule.
4Nu weisatu akubuide kituma kiage mu nuzi nu mu tunua balongo tua mazi; nu mabeide mikila. 5Nu nongule ku mugenzi wa mazi watendile bune, Uwe uli wisanana, uliko nu wabezagako, uwe Wasililila, kubuno wasungizie bubo: 6kubuno babasizie mikila za basuagibua nu za balengania, nu uwe wabakasa mikila buno bazinue: nu batananina bubo. 7Nu nongule kayulo katendile bune, E, Mukota Kalaga, uli na Magala, nsungio zobe zili bulili nu zisa.
8Nu weinazi akubuide kituma kiage ga kisongo kia busi; nu kiakasilue magala kugisia bantu na keiya. 9Nu bantu bagide na muzuzo mubibu; nu balingile izina lia Kalaga uli na buangato ku tubebe tuto; nu tabeiyanizie aba kumuganuna.
10Nu weitano akubuide kituma kiage ga kisumbi kia bukota kia nyama; nu bukota buazo buabeide kapilo; nu batakuine ndami zabo kubuno bababalagua, 11nu balingile Kalaga wa kuigulu ku kubabalua kuabo nu ku biulu biabo; nu tabeiyanizie ku misako zabo.
12Nu wa mutuba akubuide kituma kiage mu luuzi lunene, Ufalate; nu mazi mabezaga mulo makamine, buno kube nzila za bakota bakutukaga kukutukaga kisongo kia busi. 13Nu namonine mu kanua ka nzoka nnene za kisimana, nu ka nyama, nu ka wozo mulengania wa buza, muatuka miuza isatu za nsese, zasusania biula: 14kubuno zili miuza za basumbu zikukitaga migeleko; zikuendaga kuli bakota ba kisi kinsania, kubakundamania ku bita bia busi bunene bua Kalaga uli na Magala. 15(Unguililazi, nkuvua anga muibi. Mbogimbogi ku wozo ukukesia ntende, nu ukukunga nsulu zage, kubuno we ntende mundulu, nu bantu tabamukange.)
16Nu babakundamanizie babasambikile mu kiziki kikumanua mu kiEbelo buno Hamagedo.
17Nu wa mutuba kamo akubuide kituma kiage mu muuza mu mpelela; nu iyuki inene liatukile mu numba za kukumbamina, liatukile ku kisumbi kia bukota, liatendile bune, Buasila kuba: 18nu mikenzi, nu moki, nu mikulumino biabezaga; nu kuabede kalingini kanene ku kisi, takubezaga kalingini anga kako, na geikalide bantu ga kisi, kalingini kanene nu kabibu. 19Nu muino munene wabeganizibue mu bindi bisatu, nu mino za babilongo zaguide: nu Babulona munene wakengelagua na Kalaga, kukasua kituma kia maku ma bongua buage. 20Nu bisanga binsania biabombile, nu miduko tazamonekileko. 21Nu mbula nnene za lubula, nu luzitu anga kilo makumi manazi nu bibili, luatukaga muigulu nu kukolokela bantu; nu bantu balingile Kalaga ku kabamba ka kabebe ka mbula za lubula; kubuno kabebe kakano kabezaga kanene nunse.
Currently Selected:
Kulolesibua 16: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
