Kulolesibua 15
15
Migenzi Mutuba Kamo nu Tubebe Mutuba Kamo,
1Namonine ku kango kakengelezio muigulu, kanene nu kakuangamia: migenzi mutuba kamo zili na tubebe mutuba kamo tua kuzinda, kubuno kuto bongua bua Kalaga bukuzindilila.
2Nu namonine anga kitatenge kili anga kiyolo kiatopulua na keiya; nu babo bakindi ba nyama, nu kisusania kiazo, nu ku maganzo meizina liazo, bemana ga kitatenge kili anga kiyolo, beli na zenze za Kalaga. 3Nubo bekuimbaga luimbo lua Mose mukobe wa Kalaga, nu luimbo lua Muana wa Mukoko, bekutenda bune,
Mukota Kalaga uli na Magala; milimo zobe zili minene nu za kuangamia.
Uwe Mukota wa babilongo bansania, nkita zobe zisanana nu za bulili. 4Nazi utekukukua boba, Mukota, nu nazi utanaganuna izina liobe? Kubuno uwenyene uli wasililila; kubuno babilongo bansania bakakukumbamina; kubuno misako zobe zisanana zamonekileko.
5Nu kusila kua bubo namonine, nu numba za kukumbamina za nsulu za bulongeki muigulu zeiguidue: 6nu zezo migenzi mutuba kamo zili na tubebe mutuba kamo zatukile mu zezo numba za kukumbamina, nu zavualikizibue makozi ma bukunza bubibu, menga nu mekukelima, zakandua ku bibunda na mikoma za olo. 7Nu kibumbua kimozi kia bibio binazi bili na kiakasile migenzi mutuba kamo bituma mutuba kamo bia olo biyala na bongua bua Kalaga ukulamaga nkiko na nkiko zitanakuzinda. 8Nu numba za kukumbamina ziyazizibue na muki ku kabamba ka lutanuno lua Kalaga, nu magala mage; nu takuli muntu wavuamine kuingila mu numba zezo, aba nu gakasila tubebe mutuba kamo tua migenzi mutuba kamo.
Currently Selected:
Kulolesibua 15: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
