Baebelo 1
1
Yesu Ekutulolesia Lukita lua Kalaga Kutinga Balengania.
1Kalaga atendaga na batateisue wakalazi mu balengania mu nkita ningi. 2Kuzinda kua bindi bibino atendile neisue mu Muana wage, wabikile mupieni wa binsania, nu nkiko insania zakitilue nage; 3we ukiengi kia lutanuno luage, nu kisusania nunse kia bueli wenyene, nu ekulindia binsania mu magala meidagi liage, gasilile kusuga misako zeitu za buagi, eikede ku kuboko kua seidume kua Bukota bunene muigulu.
Yesu Ekutulolesia Lukita lua Kalaga.
4Mu binsania abede munene nunse kutinga migenzi, nu izina liapienine liatinga nunse liabo. 5Kubuno ku mugenzi mukizi kuatendile Kalaga bune,
Uli Muana wane,
Nakubuta lelo? #Luimbo 2:7.
nu lingo bune,
Nabe Isi,
Nuwe abe Muana wane? #II Samuele 7:14.
6Nu lingo, galusizie nkula zage mu kisi, atendile bune, migenzi insania za Kalaga zimukumbamine.#Luimbo 97:7. 7Nu ku musagu wa migenzi atendile bune,
Ekubikaga migenzi zage muuza,
Nu bakiti bage ngulumina za keiya. #Luimbo 104:4.
8Tondo ku Muana wage atendile bune,
Kisumbi kiobe kia bukota, Kalaga, takinakuzinda;
Nu musumbo wa bukota buobe uli musumbo weisanana.
9Watundile kuisanana, nu wasombile bubi;
Ku bubuno Kalaga, u Kalaga wobe
Akubongezie muambo wa mbogimbogi kutinga banyobe.#Luimbo 45:6-7.
10Nu,
Uwe, Mukota, mu kulinga wabikile kibanza kia kisi,
Nu meigulu meli mulimo wa maboko mobe:
11Bibino bikabiga, tondo uwe ukubezaga:
Nu binsania bikakunguka anga nsulu za mukungio;
12Nu ukabigonda anga nsulu,
Nu bikagalukibua anga nsulu;
Tondo uwe ntukugalukaga,
Nu miaka zobe tazikasila. #Luimbo 102:25-27.
13Tondo ku mugenzi mukizi kualingile kutenda bune,
Ikala ku kuboko kuane kua seidume,
Aba gawangate beiti bobe?#Luimbo 110:1.
14Ndi bansania ndi tabeli miuza zikukita, bekusingua kukitila babo bakapiena lonio?
Currently Selected:
Baebelo 1: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
