Yakobo 5
5
Bagumi Bakaba na Milondo.
1Unguililazi, inyue bagumi, lilazi nu lalukazi kubuno tubebe tukumuvuila. 2Bikulo bieinyu biabola, nu nsulu zeinyu zalibua na kagembe. 3Olo zeinyu nu feza zeinyu zakua na nkisa; nu nkisa zabio zikamulongekela, nuzo zikalia mibili zeinyu anga keiya. Muasila kubika bikulo bieinyu bisoga ku bindi bizinda. 4Unguililazi, lukalilo lua batubuzi batubulaga masoa meinyu, lumuabananinaga nalo ku kubengelela, lukulila; nu idilo lia batubuzi lionguilue na Mukota weiyombo. 5Mukuitananizia mu kisi, nu kuibogiabogia ku lutundo lueinyu; muekutia mitima zeinyu ku busi bua kusesua. 6Muasungizie, nu muitile wozo wisanana; nuwe ntasuninue neinyu.
Bantu Bakalaga Balinde mu Tubebe Tuabo nu Basegelane ku Kalaga.
7Kububo mibuto zane, mube na nkiki, aba nu ku kuvua kua Mukota. Unguililazi, mulimi ekulindila biyikanua biayikile, ekubilindila aba nu galoke mbula ntangi nu nzinda. 8Mube na nkiki nunse; nu lindiazi mitima zeinyu: kubuno kuvua kua Mukota kuse buigi. 9Mibuto zane, tamugambane, munavua kusungibua: unguililazi, ngatu zimine ku nibi. 10Mibuto zane, kengelazi buababedue balengania nu nkiki zibabezaga nazo babo basambalaga muizina lia Mukota. 11Unguililazi, tukumana babo babezaga na nkiki, buno beli na mbogimbogi; mungule musagu wa nkiki za Yobo, nu muamonine buamuitabizizie Mukota, kubuno mukota eli na kiombo, nu eli na mponga.#Yobo 1:21, 22.
12Tondo kutinga tanga, mibuto zane, tamulumbile kuigulu aba ku kisi, aba kingo kilumbilo kinsania; tondo itabiziazi buno, e nti e, nu tobo nti tobo, buno munavua kusungibua.
Musegelane ku Kalaga.
13Ndi umozi wa kumuli ekubabalua? asege. Ndi umozi ekubogaboga? nti eimba nimbo. 14Ndi umozi wa kumuli ekusamba? Amane bakulu ba ekelezia: bamusegele, nu nti bamubongie muambo muizina lia Mukota: 15nu kusega kua bukatizio kunonia musambi, nu Mukota amuzanzukie; nu ndi akitile misako za buagi nti zasigililue. 16Na muntu na muntu eigonge misako zage za buagi ku munyage, nu kusegelana, buno monibue. Kusega kua wisanana kuli kusoga nunse, ndi ekusega na komanizia. 17Eliya abezaga muntu anga isue, nu asegile na komanizia buno mbula taziloke; nu mbula tazalokile mu kisi miaka isatu nu miezi mutuba. 18Asegile lingo; nu mbula zalokile, nu kisi kiasizie biyikanua.
19Mibuto zane, ndi umozi wa kumuli asiga bulili, nu ungo nti amusubie kubo; 20menyazi buno, wozo ukusubia muagi buno atuke kuazimine, nti amonia ku lukuo, nu misako mingi zage za buagi nti zakukilua.
Currently Selected:
Yakobo 5: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
