Yakobo 4
4
Bukatizio bua Bulili Bukubembuka Buagi.
1Kuni kukutuka bita nu nsake gamusamba? Ndi ta ntundo zeinyu uzikumusakia? 2Mukutunda, tondo tamuli na kena; muli beiti, nu muli na lugi, nu tamuli na kena; mukusaka nu mukuitana; ububo tamuli na kena kubuno tamukusega. 3Mukusegaga nu tamukukasagua, kubuno mukusegaga bubi, kubuno mukuidangia mu ntundo zeinyu. 4Inyue beiti ba meiga ndi tamuizi buno wozo uli kilemba kia kisi nti asomba Kalaga? Nu unsania ukutunda kuba kilemba kia kisi nti ekutunda kuba musombi wa Kalaga. 5Aba ndi mukukengela buno masanzo makutenda bulia? Wozo Muuza wa lugi ukuikalaga mumuli. 6Tondo ekutukita mponga ningi nunse. Umpanga masanzo mekutenda bune, Kalaga ekutobagia beli na luikotio, tondo ekukitaga babo bekuibotia mponga.#Misumo 3:34. 7Umpanga anzazi Kalaga; tobiazi Liabo, u Satana, nuwe nti amutine. 8Kundazi ku Kalaga, nuwe amukunde. Ogazi ku maboko, inyue bagi; engiazi mitima zeinyu, inyue beli na mitima ibili. 9Ibabaziazi, mube na kabebe, nu lilazi: kuseka kueinyu kugaluke kabebe, nu mbogimbogi zeinyu zibe kabebe. 10Ibotiazi ku Mukota, nuwe amusakike.
11Mibuto zane, tamukandisanie. Wozo wakandisia mubuto wage, aba ekusungia mubuto wage, akandisia mulembe, nu asungia mulembe, uwe ntuli mukiti wa mulembe, tondo uli ngatu. 12Mubiki wa mulembe u ngatu eli umozi tugu, uwozo unavuama konia nu kubigia; tondo uwe uli nazi ukusungia munyobe?
Ngendo za Bantu Zili mu Maboko ma Kalaga.
13Unguililazi, inyue bekutendaga buno, lelo aba lubi tuende kungo muino nu tuikale kuko muaka umozi, nu kukunza, nu kukunzia, nu kuba na mutali: 14nuinyue tamuizi buabe lubi. Buni buli kalamo keinyu? Kubuno inyue muli anga muki ukumonekako nkungu imozi, nu kusila nti wabomba. 15Tondo buli busoga kutenda buno, ndi Mukota atunda, tualame, nu tunakita bubuno aba bubo. 16Tondo kano kaluma mukuikaka mu luikotio lueinyu: kuikaka kunsania kua lukita luluno kuli kubi. 17Bubo wozo wizi kukita busoga, nu ntakubukita, nti bubo buli buagi kueli.
Currently Selected:
Yakobo 4: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
