1 Petelo 1
1
Mukanda Mutangi Wasingaga Petelo ku baIsalele. Petelo Ekusambizia Bakatizia.
1Petelo, musingua wa Yesu Klisto, ku basombolua bandabene nu babalanganizibue ku Ponto, ku Galatia, ku Kapadokia, ku Asia, nu ku Bitinia, 2kukumenya kua Kalaga Tateisue kuamenyine wakalazi, kukusuagibua kua Muuza, aba kuanza nu kukubulilua mikila za Yesu Klisto: Mponga nu bubobelelo bitalikilue kumuli.
Petelo Ekutukengelezia ku Lonio Lutuakasilue na Kalaga.
3Lutanuno ku Kalaga Isi wa Mukota weitu Yesu Klisto, kubuno ku kiombo kiage kinene atubutile lingo, buno tube na kilemanizio kia kalamo ku kuyukibua kuage Yesu Klisto ku bakuzi, 4buno tube na bupieni butanakubiga, nu buteli na nsese, nu butanakusila, bumuabisidue muigulu, 5mukulangua na magala ma Kalaga mu bukatizio mube na lonio luli kayikayika kumoneka ku nkungu nzinda. 6Mukubogaboga nunse, aba ndi ku bindi bimozi muli na tubebe ku malindiko mengukana, 7buno idindiko lia bukatizio bueinyu, lili na bukunza bubibu kutinga olo zikuziminaga aba ndi zalindikua na keiya, limonekeko ku luganuno nu lutanuno nu luanzo, gakamoneka Yesu Klisto: 8u wozo tamuamumonineko tondo mukumutunda; nu wozo umukukatizia tamukumumonako, nu mukubogaboga nunse na mbogimbogi zitakumenyua kutendua nu uzili na lutanuno: 9mukakasua lukalilo lusoga lua bukatizio bueinyu, u lonio lueinyu. 10Ku musagu wa lonio luluno balengania balondile na komanizia, basambede musagu wa mponga zimukakitua: 11batundaga kumenyinina nkungu nkizi zalolesizibue na Muuza wa Klisto wabezaga mubeli alingile kulongekela kubabalua kua Klisto, nu lutanuno lukaba kusila kua bubo. 12Balolesezibue, kubuno ta ku kabamba kabo bobenyene, tondo ku kabamba keinyu, bakitile mu bitondo bibino, nu muasambaliduebio na babo bamusambalilaga musagu musoga mu Muuza Wasililila asingilue nu atukile muigulu; ku malagi mamo migenzi batundaga kumamenyinina.
13Kubuno kokomeziazi menge meinyu, mube na nkiki, nu mulemanine nunse ku mponga zimukalusizibua mu kumoneka kua Yesu Klisto; 14anga bana bekuanza, tamuidingimanie na ntundo zeinyu zimualingaga kukita mu bukongolo bueinyu: 15tondo anga bubo buli wozo wamumanine eli wasililila, nuinyue musililile mu makitilo mansania ma kalamo keinyu; 16kubuno buasanzilue bune, Mukaba basililila; kubuno nne nili wasililila. 17Ndi mukumumanaga buno Tateisue, wozo ukusungagia muntu na muntu anga buakukita, nu ntekukutagia wampa, kuazi boba mu nkungu zimukili muzo kuko kumuandabene: 18muizi buno tamuakuluidue na bikubigaga; aba ku feza aba olo, ku lukita lutasuaga luatukile ku basoinyue; 19tondo ku mikila za bukunza bubibu za Klisto, anga muana wa mukoko uteli neitondoki aba biulu, 20amenyinue kutukila wakalazi, nti kisi takiba, tondo alolesizibue kuzinda kua nkiko ku kabamba keinyu, 21kubuno mueli muse muakatizia Kalaga, wamuyukizie ku bakuzi, nu amukasile lutanuno; buno bukatizio bueinyu nu kilemanizio kienyu bibe ku Kalaga. 22Muiyengezie ku kuanza kua bulili kielamo kia mibuto kiteli na kangonongono, tundanazi nunse: 23kubuno muabutilue lingo, takukubutua ku kubigaga, tondo kutakubigaga, kuidagi lia Kalaga lili na kalamo nu litanakuzinda. 24Kubuno,
Mubili na mubili uli anga bisugu,
Nu malebo mago mansania meli anga maluba ma bisugu,
Bisugu bioma, nu maluba mabio nti makoloka;
25Tondo idagi lia Mukota talinakuzinda. Nu muidagi lilino lili musagu musoga umuasambalilagua.
Currently Selected:
1 Petelo 1: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
