Yakobo 3
3
Bukatizio bua Bulili Bukumenyua ku Kuisungula ku Kutenda.
1Mibuto zane, kumuli takube basozi beingi, menyazi buno tukasungibua nunse. 2Kubuno tukuikuka mu bitondo bingi. Ndi muntu ntekuikuka ku kutenda, wono nti u muntu wasililila, nu nti anavuama kuangata mubili wage unsania. 3Nu anga bubo butukubikaga biuma mu tunua tua mpunda buno zituanze, nu butukuzitimbulaga. 4Unguililazi, anga buli mato; meli manene nu mekusindikua na lumpumpu lubibu, ku kugalukibua na kiuma kikeke nunse, nu mekuenda anga bukutunda musondelezia. 5Ububo lulami nulo luli kiganza kikeke, tondo lukuikakaga ku bitondo binene. Tuizi ubuli keiya nuko keli kakeke, kakombolaga nkuzi ningi nunse! 6Nu lulami nulo luli keiya kanene nunse: nu kisina kia misako mibi mu biganza bietu, lukubigia mubili unsania, nu lukubangia bumba bua buagi, nu kugulumizibua na Gehena. 7Kubuno na lukita na lukita lua nyama, u nu lua tuzoni, u nu lua bikugelegeta, u nu lua bili mu kitatenge, u nu lua bikutugagua, nu bibio biasilile kutugua na bantu: 8tondo lulami talunavuama kutugua; luli lubi talunavuama kutugua, luli luiyala na buganga nunse. 9Tukuganunaga Mukota nu Tateisue nalo; nu tukusuililaga bantu nalo, bakitilue ku kisusania kia Kalaga: 10mu kanua kamozi mukutukaga busoga nu kisuililo. Mibuto zane, bubuno tabuatunganana. 11Ndi mu kanuabalongo kamozi munabasa mazi meli nse nu mazi meli lubaba? 12mibuto zane, ndi muti wa figi unakolama kiguma kia oleve, aba muzigi kukolama figi? Kasi mazi meli anga ma munkange tamanaba nse. 13Nazi wa kumuli uli na menge nu bumenyinino? Nu alolesie makitilo mage ku misako zage misoga nu menge mabota. 14Tondo ndi muli na lugi nunse, nu miango mu mitima zeinyu, tamuikake aba tamutende buteligo. 15Menge mamano tamamo matukile kuigulu, tondo meli ma kisi, nu ma lukita lua bantu, nu Satana. 16Kubuno ndi kuli lugi nu miango, nti ukukusakua nu nti ukuli misako mingi mibi. 17Tondo menge makutukaga kuigulu meli masoga, nu meli ma bubobelelo, nu mabota, nu mekusasia kungua bitondo bia bantu, nu meli na kiombo nu misako misoga, tamekukutia, nu tameli na buengelezi. 18Nu misako za kuisanana zikukitua mu bubobelelo ku babo babobelela.
Currently Selected:
Yakobo 3: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
