Yakobo 1
1
Yakobo Ekubasambizia.
1Yakobo, mukobe wa Kalaga nu wa Mukota Yesu Klisto, ku bilongo ikumi nu bibili bia balangene, samba kumuli.
Bantu ba Kalaga Babogeboge mu Malindiko Mansania.
2Mibuto zane, mubogeboge nunse, gamukulindikua na malindiko ma lukita na lukita; 3menyazi buno kulindikua kua bukatizio bueinyu kukulusia nkiki. 4Tondo nkiki zibe zasililila, musililile mu binsania, tamuide kena.
5Tondo ndi umozi wa kumuli eida menge, asege Kalaga, ukukasanaga binsania nu ntamuzugile; nuwe akasue. 6Tondo asege mu bukatizio, ta na miango nunse; kubuno wozo uli na miango, asusania na bimpumi bia kitatenge bikutengatenga na lumpumpu nu kuidibula gano nu kuko. 7Kubuno wozo muntu ntakengele buno akakasua kena kua Mukota; 8kubuno, muntu uli na mitima ibili, ekutalatala mu nkita zage insania.
9Tondo mubuto wane ndi ntukuanzua, bogaboga kubuno ukuganunua; 10nu mugumi abogeboge kubuno ekukegibua: kubuno akaba anga maluba ma bisugu makukoloka. 11Kungua musi use wazuza nunse, nti womia bisugu; nu maluba nti makoloka, nu mulangalo wamo nti wazinda: nti luazimine: anga bubo mugumi akazimina mu misako zage insania.
Kalaga Ntakulindikaga Bantu.
12Mbogimbogi ku wozo muntu ukukinda mu malindiko, nu kungua asila kulindikua, nti akakasua nkumbu za bukota za kalamo, zalagile Mukota ku babo bekumutunda. 13Ndi muntu ekulindikua ntatende bune, Nkulindikua na Kalaga; kubuno Kalaga ntanalindikua na bubi, aba we wenyene ntanalindika muntu: 14tondo na muntu na muntu ekulindikua gakulutua nu kuengelelua na lutundo luage wenyene. 15Kungua lutundo luetila, nti luabuta buagi; bubo buagi nubo kungua buitila, nti buabuta lukuo. 16Tamuengelelue, mibuto zane batundua. 17Na kukasana na kukasana na kuli kusoga, nu nakio nakio na kiasililila nti kikutukaga kuigulu kulsi wa kiengi, nu we ntanagaluka nunse, aba ntekuigelelaga nunse. 18Ku kusombola kuage wenyene, atubutile kuidagi lia bulili, buno tube lukita lua bibumbua biage bitangi.
Bantu ba Kalaga Bekunguaga Kuiyuki Liage.
19Umpanga, mibuto zane batundua, muizi. Tondo na muntu na muntu asasie kungua, tondo ntasasie kutenda, nu ntasasie kongua; 20kubuno bongua bua muntu tabukuzindilizia kuisanana kua Kalaga. 21Umpanga sigazi nsese insania nu bubi buetila buingi, sekelazi idagi ku kubota liabikilue mu mitima, linavuama kumonia. 22Tondo mube bakiti beidagi, tondo ta bonguilizi tugu, munavua kuiyengelela. 23Kubuno ndi muntu eli munguilizi weidagi tugu nuwe ta mukiti walio, nti muntu wono eli anga muntu ukuidola ku meiso mage mu kiyolo; 24kubuno ekuidola, nu kusila kuidola nti enda, nu ku nkungu zezo nti iyibilila buimonagako. 25Tondo widolaga mu mulembe wasililila wabukandulua, nu kugukita, ntabe muibilizi wa biakungua kubio, tondo mukiti wa mulimo, nuwe nti abogeboge mu mulimo wage. 26Ndi muntu wa kumuli ekukengela buno eli na meigisia, nuwe ndi ntekuisungula mu kutenda, nti ekuiyengelela, nti meigisia ma muntu wono tameligo. 27Meigisia meli masoga nunse u mamo meteli na nsese ku Kalaga Tateisue, u mamo, kukunga nkubi, nu misigala mu tubebe tuabo, nu kutaba na kabalibango mu kisi.
Currently Selected:
Yakobo 1: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
