Baebelo 13
13
Bitondo Bikutunda Kalaga Bantu Bage Bakite.
1Mibuto zane, elamanazi kankanka. 2Tamuibilile kusekela bageni: kubuno bango basekede migenzi nu tababamenyaga. 3Kengelazi babo bakandua, anga buno muakandua nabo; nu babo bekubabalua, kubuno nuinyue muli na mubili anga babo. 4Isonga lianzue na bantu bansania, nu mugu usuage: kubuno bitazi nu beiti ba meiga Kalaga akabasungia. 5Tamuelame bikulo; bogazibogazi na bimuli nabio; kubuno we wenyene atendile bune: Nsikakuibilila nunse aba nsikakusiga nunse, #Dutelenome 31:6. 6kasi tukutenda bubuno na kilemanizio,
Mukota ekunkasagia, nsiakue bantu boba;
Bankite buni? #Luimbo 118:6; Yosua 1:5.
7Kengelazi babo bamusondelezagia, bamusambalilaga idagi lia Kalaga; nu kengelazi bubakitaga nti tabekua, susaniazi bukatizio buabo. 8Yesu Klisto eli bumozi kankanka, walubi nu lelo aba nu ku nkiko na nkiko. 9Tamuzangibuezangibue na meigisia meingo nkita, nu matasusania na mamo mamuigisizibue, kubuno buli busoga buno mutima ulindibue na mponga; aba ta ku nkita zeidia, kubuno babo babezaga nazo tababede na mutali. 10Tuli na kayulo, buno babo bekukita mulimo mu numba za nsulu tabeli na buangato bua kulia biako. 11Kubuno bitumba bia nyama zezo biagisibagua kuisula lia muino, nu mikila zazo zekagua ku busio bua kizila na sankoga munene ku kabamba ka buagi. 12Ku kabamba kakano Yesu, nuwe buno asuagie bantu ku mikila zage wenyene, ababazizibue kuisula lia muino. 13Kasi tuendazi kueli kuisula lia muino nu kubengua anga buakubengua. 14Kubuno gano tatuli na muino ukuizizagia, tondo tukulonda wozo ukavua. 15Kueli tukase Kalaga kisansa kia luganuno bindi binsania, ububo kutenda ku kanua nti tuitabizia izina liage. 16Tondo tamuibilile kukita busoga nu kugomania: kubuno bisansa anga bibino bikutananizia Kalaga. 17Anzazi basondelezia beinyu, ibotiazi kubeli; kubuno babo bekumulanga, anga bantu bekusambala bubakitaga; buno bakite bubo ku mbogimbogi, aba takueinia mutima; kubuno tabunamutananine.
18Tusegelazi; kubuno tuizi buno tuli na bumenyinino busoga, nu tukutunda kukita busoga mu bitondo binsania. 19Nunne nkumuana nunse mukite bubo, buno nisasie kusubia kueinyu.
20Umpanga, Kalaga wa bubobelelo, wayukizie lingo mulangi munene wa mikoko ku bakuzi ku mikila zeidagano litanakuzinda, we mukota weitu Yesu Klisto, 21amusililizie mu bitondo binsania bisoga kukita kusombola kuage; nuwe akite mumuli buamutananizia, ku Yesu Klisto; eli na lutanuno ku nkiko na nkiko zitanakuzinda.
22Tondo nkumusengezia, mibuto zane, unguililazi bunkutenda; kubuno namusanzila moki mamozi. 23Menyazi buno mubuto weitu Timoteo akandulua; nu ndi asasia kuvua, nti muatumoneko kuko kueinyu. 24Muansambizizia babo bansania bekumusondelezia, nu basuagibua bansania. Babo beli ku Itali bamusambizia. 25Mponga zibe neinyue bansania. Amena.
Currently Selected:
Baebelo 13: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
