Baebelo 6
6
1Kububuno tusigazi bitondo bitangi bia musagu wa Klisto, tuidangiazi aba nu ku kusililila; tatubike lingo kibanza kia kuiyania ku makitilo ma lukuo, nu bukatizio ku Kalaga, 2nu meigisia ma bubatizio, nu kubikua kua maboko, nu kuyukibua ku lukuo, nu lusungio lutanakuzinda. 3Tunakita bubo, ndi Kalaga aziga. 4Kubuno tabuakulungana ku bantu babo basanizibue kiengi, nu kusonda lukaso lua kuigulu, nu bagomanizie na Muuza Wasililila, 5nu kusonda idagi isoga lia Kalaga, nu magala ma nkiko zikavua, 6nu ndi basiga bibio, tabunakulungana kubasubia ku kuiyania kuto; kubuno bekutaka Muana wa Kalaga lingo, nu bekumuitia na nsoni. 7Kubuno mazi ma mbula makubombaga mu kisi, nu kisi kikuasagia biyikanua ku babo bekubilima ku magala ma Kalaga: 8tondo ndi kiagia miti zili na mikele nu binkelenkele, nti kise kiasombua nu nti kise buigi na kusuililua; kuzinda kuakio kugisibua.
9Tondo, batundua bane, tuizi buno, misako zeinyu zili misoga nu zili na lonio: 10kubuno Kalaga eisanana nu ntaneibilila mulimo weinyu nu lutundo lumualolesezie kuizina liage, kubuno muakitide basuagibua, aba nu kano kaluma mukili muabakitila. 11Tondo tukutunda nunse na muntu na muntu kumuli abe na komanizia ku kumenyinina nunsania kilemanizio aba nu kuzinda: 12buno tamube basosu, tondo kususania babo bapieni beidagano ku bukatizio nu ku nkiki.
Malagano ma Kalaga Makutulindia.
13Kubuno Kalaga galagile Abalahama idagano, kubuno takuabezaga ungo wamutinga wanalumbide, eidumbide wenyene, 14ekutenda bune, Lebelebe nakukite mponga nunse, nu neitizie kikanga kiobe nunse. 15Nu bubo, mu kuikalila kuage, eikile ku lilio idagano. 16Kubuno bantu bekulumbila wozo watinga munene; nu ku kulumbila kuabo nti miango zasila. 17Mu kitondo kikino Kalaga atundile kulolesia bapieni beidagano lilino buli luango luage nunse, lutanagaluka, nu alumbide; 18buno, ku bitondo bibili bitanagaluka, mubio Kalaga ntaneka buza, buno tube na magala, nu tuatinine ku kilemanizio kikio kituabikidue buno tukikokomezie; 19kituli nakio anga nanga za kalamo, kili bulonge bukata nu kialinda, nu kikuingilila ku muingilo kuli nsulu; 20kuko kualingile kutuingila Yesu, nu abede sankoga munene utanakuzinda, anga ku lukita lua Melekezedeke.
Currently Selected:
Baebelo 6: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
