Baebelo 5
5
1Kubuno na sankoga na sankoga munene, wasombuedue ku bantu, abikilue ku kabamba ka bantu mu bitondo bia Kalaga, buno akasane nkaso nu kubika bisansa ku kabamba ka misako za buagi: 2ukuikalila babo bateizi nu bekuaga, kubuno nuwe wenyene atamba; 3nu kububuno buamutunganene, ku kabamba ka bantu, nu bubo kueli we wenyene, kukasana bisansa ku kabamba ka misako za buagi. 4Nu takuli muntu umozi gunikasa luanzo luluno, umpanga wozo ukumanua na Kalaga, anga Alona. 5Nu bubo Klisto nuwe nteikutizie wenyene kubikua sankoga munene, tondo wozo wamubuide bune,
Uli muana wane,
Nakubuta lelo.#Luimbo 2:7.
6Anga buakutenda mu kingo kiziki,
Uwe sankoga utanakuzinda
Ku lukita lua Melekezedeke. #Luimbo 110:4.
7Nuwe mu bindi bibio bialamine Yesu, asegile na komanizia nu alilile nunse ku wozo unavuama kumonia ku lukuo, nu onguilidue ku kuanza kuage, 8nu abezaga Muana wage, tondo eigile ku kuanza ku bitondo biababazizibue kubio; 9nuwe gasililizizibue, abede ku lonio lutanakuzinda ku bantu bansania bekumuanza; 10watekuidue na Kalaga kuba sankoga munene anga lukita lua Melekezedeke.
11Ku musagu wage tuli na bitondo bingi bia kusambala, nu tabinakulungana kusambalua, kubuno tamukungua. 12Kubuno muatunganene kuba basozi, tondo muiyaninaga ungo muntu umuigisia bitondo bitangi bia meigisia ma Kalaga; nu muiyaninaga mabele, tamuiyaninaga idia ibibu. 13Kubuno muntu na muntu ukunua mabele ntekumenya nunse idagi lisanana; kubuno eli muana muto. 14Tondo idia ibibu lili ku bantu bakulu banene, aba nu bumenyinino buabo bukumenyinina busoga nu bubi.
Currently Selected:
Baebelo 5: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
