Baebelo 4
4
Babo Bakatizia Yesu Bakabasa ku Kiumuno Kiage.
1Umpanga, ndi idagano lia kubasa ku kiumuno liabasa kutuli, tukue boba kububo muntu umozi wa kutuli anavua kutabasa kukio. 2Kubuno isue tuasambalidue musagu musoga, anga babo: tondo musagu wozo gubongule kugo tabawangile, kubuno tababede bumozi mu bukatizio na babo bongule. 3Kubuno isue bakatizizie tukubasa ku kiumuno kikio; anga bubo buatendile bune,
Anga bunalumbide ganongagua,
Tabakabasa ku kiumuno kiane: #Luimbo 95:11.
aba ganasilile zezo milimo kutukila kulinga kua kibanza kia kisi. 4Kubuno atendile mu kiziki kimozi ku musagu wa busi bua mutuba kamo bubuno, Kalaga omuinue ku milimo zage insania busi bua mutuba kano: #Genese 2:2. 5nu ku kiziki kikino lingo,
Tabakabasa ku kiumuno kiane.#Luimbo 95:11.
6Umpanga mu kuba kitondo kikino kiasigede buno bamozi bakabasa, nu babo basambalidue musagu wozo wakalazi tababasile kubuno bananine; 7abikile bungo busi, Lelo, atendile ku Davidi gatingile miaka mingi (anga bualingile kutendua),
Lelo ndi mungua kuiyuki liage,
Tamulimbanie mitima zeinyu, #Luimbo 95:7, 8.
8Kubuno songo Yosua abomuzizie, songo ntanatendile bungo busi. 9Umpanga kuasigala kiumuno ku busi bua Sabato ku bantu ba Kalaga. 10Kubuno wozo wabasa ku kiumuno kiage wenyene asila kumunua ku mulimo wage, anga bubo bumuinue Kalaga ku mulimo wage. 11Ububo tusasie kubasa ku kiumuno kikio, buno muntu unsania anavua kuaga ku Iukita luluno lua kunana. 12Kubuno idagi lia Kalaga likulamaga, nu lili na magala, nu lili ikali kutinga bupanga bukusesaga ku ntungo ibili; likusumita aba kulekanukia kalamo na muuza, nu ngiginyo nu mungongo wa makua, nu likumenyinina makengelo nu ntundo za mutima. 13Aba takuli kibumbua kiatakumonako: tondo wozo utukukitila ekumona ku binsania.
Yesu Atinga Aluni nu Basankoga ba Lewi.
14Umpanga mu kuba tuli na sankoga munene weingide muigulu, u Yesu Muana wa Kalaga, tukokomezie nunse bukatizio bueitu. 15Kubuno tuli na sankoga munene unavuama kutukuila kiombo ku mutambo weitu, kubuno alindikilue mu bitondo binsania anga butukulindikagua, tondo ntagile. 16Umpanga tukundazi ku kisumbi kia bukota nu kia mponga na kilemanizio, buno tukuilue kiombo, nu tukitue mponga za kutukasia ku nkungu zitukuiyanina.
Currently Selected:
Baebelo 4: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
