Baebelo 3
3
Yesu Atinga Mose.
1Umpanga, mibuto zane basuagibua, beizi mubila wa kuigulu kengelazi nunse musingua nu sankoga Munene wa bukatizio bueitu, u Yesu; 2wozo wamubikile amumenyine buno eli mukatizia anga buabezaga Mose mu numba za Kalaga. 3Kubuno muntu wozo abezaga na lutanuno kutinga Mose, kubuno we wobaka numba eli na luanzo kutinga numba zobakaga. 4Kubuno na numba na numba nazikubakua na muntu, tondo wakitile binsania u Kalaga. 5Nu Mose abezaga mukatizia mu numba za Kalaga anga mukobe, kuba mulongeki wa bitondo bikatendua; 6tondo Klisto abezaga muana wage, muangati wa numba za Kalaga; numba zage u isue, ndi tualinda mu kilemanizio nu kuiganuna mu mbogimbogi zeitu na magala aba nu kuzinda.
Bantu ba Kalaga Beidange Tabasombe Kitondo kia Yesu.
7Bubo anga buatenda Muuza Wasililila bune,
Lelo ndi mungua kuiyuki liage,
8Tamulimbanie mitima zeinyu, anga ku busi bua kubenga,
Anga ku busi bua kulindika mu kalula.
9Gandindikile basoinyue mu kungeleka,
Nu bamonine ku makitilo mane miaka makumi manazi.
10Ku bubuno nongilue na kibuti kikio.
Nu natendile bune, Bekuaga bindi binsania:
Nu tabamenyine nkita zane;
11Anga bunalumbide ganongagua,
Tabakabasa ku kiumuno kiane.#Luimbo 95:7-11.
12Muidange, mibuto, buno takube umozi kumuli uli na mutima mubi utakatizia, nu kuidekanukia na Kalaga uli mulami: 13tondo muanane busi na busi, aba bukumanua Lelo; buno muntu wa kumuli ntabe mubibu ku kuengelelua ku buagi: 14kubuno tuse tuagomia na Klisto, ndi tualinda mu kilemanizio kietu kia kulinga aba nu kuzinda: 15aba ndi buatendua bune,
Lelo ndi mungua kuiyuki liage,
Tamulimbanie mitima zeinyu, anga ku busi bua kubenga.#Ekesode 17:1-7.
16Kubuno banazi, bamubengile gabongule? ndi tababo bansania batukile ku Ezipeto basondelezezibue na Mose? 17Banazi bongeidue miaka makumi manazi? ndi tababo bagile, nu bitumba biabo biabolile mu kalula? 18Nu banazi balumbilide buno tabakabasa ku kiumuno kiage, ndi tababo bananine? 19Ububo tuizi buno tababasile ku kabamba ka kutakatizia kuabo.
Currently Selected:
Baebelo 3: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
