Baebelo 2
2
Musanzi wa Mukanda Ekubagalukia.
1Ku bubuno tuitile nunse bitondo bitungule kubio, tunavua kutingua nabio. 2Kubuno ndi idagi liatendilue na migenzi liabezaga lia bulili, nu buagi na buagi nu lunano na lunano biabede na lusungio luisanana: 3buni butuneyonia, ndi tatualanga lonio lunene anga luluno? lulo lualingile kutendua na Mukota, nu tualukengelezizibue na babo balunguleko; 4Kalaga alongekile nabo, ku tukengelesio nu maganogano, nu ku migeleko za nkita ningi, nu ku migelo za Muuza Wasililila, anga buatundaga wenyene.
Kuisigulizia kua Yesu Kuamukasile Lutanuno Luage.
5Kubuno ntabikile kisi kikio kitukutenda kikavua ku buangato bua migenzi. 6Tondo muntu umozi ku kiziki kimozi, asambede, atendile bune,
Nazi muntu gukukengela?
Nu nazi muana wa muntu gukulanga?
7wamusigulizizie ku migenzi;
Wamuzualikizie nkumbu za bukota, nu lutanuno, nu luanzo,
Wamubikile muangati wa milimo ziwakitile.
8Wamubikile muangati wa binsania.
Kubuno mu kuangata binsania, nu takuli kampa katangatile. Tondo kano kaluma tatumona kuangata binsania.#Luimbo 8:4-6. 9Tondo tuamona ku Yesu, wasigulizizibue ku migenzi ku kabamba ka kubabazibua ku lukuo azualikizibue nkumbu za bukota, nu lutanuno, nu luanzo; buno ku mponga za Kalaga asondile lukuo lua muntu na muntu. 10Kubuno buamutunganene we buno, Kueli kuli binsania, nu ku kabamba kage binsania bili, mu kulusia bana beingi ku lutanuno, asililizizie musondelezia munene wa lonio luabo ku kubabazibua. 11Kubuno we ekusuagia, nu babo basuagibue bansania batuka ku umozi: ku kabamba kakano nteli na nsoni kubamana buno, mibuto. 12Atenda bune,
Nasambale izina liobe ku mibuto zane,
Mu ekelezia nkakuimbila nu nkakuganuna.#Luimbo 22:22.
13Nu lingo, nkamulemanina.#Yesaya 8:17. Nu lingo, Unguilila, nili gano na bana bankasile Kalaga.#Yesaya 8:18. 14Kubuno bana bagomania mu mikila nu mu mubili, bubo nuwe agomezie nabio; buno ku lukuo akegie wozo wabezaga na buangato bua lukuo, u Liabo, Satana; 15nu konia babo babezaga na boba ku lukuo babezaga mu bukobe. 16Kubuno buligo ntakasizie migenzi, tondo akasizie kikanga kia Abalahama. 17Kubuno buamutunganene kususania mibuto zage mu bitondo binsania, buno abe sankoga munene nu uli na kiombo nu mukatizia ku bitondo bia Kalaga, buno abe kisansa kia kutikia misako za buagi bua bantu. 18Mu kuba ababedue galindikagua, ekuvuama kukasia babo bekulindikua.
Currently Selected:
Baebelo 2: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
