3 Yoana 1
1
Yoana Ekukengelesia Diotelepe.
1Mukulu, nkusanzila Gayo mutundua wane, unkutundaga mu bulili.
2Mutundua wane, nkukusengezia buno utananinue mu bitondo binsania nu ulunde anga bubo buakutananizia. 3Kubuno nabogilebogile nunse gavule mibuto zane nu balumbizie bulili bobe, buno ukuenda mu bulili. 4Nsili neingo mbogimbogi nnene zatinga zeno, kungua buno bana bane bekuenda mu bulili.
5Mutundua wane, mulimo wozo uli wa bukatizio, ukukitila mibuto zeitu nu bageni; 6bakulongekede lutundo luobe ku ekelezia; busoga kubakasia ku lugendo luabo anga bunasuagia Kalaga: 7kubuno ku kabamba keizina lilino batukile, tabakasua kena ku baBilongo. 8Umpanga buatutunganana kusambizia bantu anga babano, buno tube bakiti ba mulimo nabo ku bulili.
9Nasanzide ekelezia bitondo bibino; tondo Diotelepe ekutunda kuba mutangi kubeli, ntatusekela. 10Nu ndi navua, nti namusambalile misako zage zakukitaga, ekutubengaga na moki mabi, nu ntakulungana na bubo, nu wenyene ntakusekela mibuto zeitu, nu ekuzugilaga babo bekutunda kubasekela, nu nti abatikia mu ekelezia. 11Mutundua wane, ntuyange bubi, tondo kita busoga. Wozo ukukita busoga eli na Kalaga; tondo wozo ukukitaga bubi nti ntamonine ku Kalaga. 12Demetelio alumbizibue na bantu bansania, aba nu bubo bulili: kububo nuisue tukumulumbia; nu wizi buno kulumbia kueitu kuli bulili.
13Nabezagile na bitondo bingi biakukusanzila, tondo nsikutunda kukusanzila na buino nu kiliyo: 14tondo nili na kilemanizio kia kukumonako, buno tutendane. Bubobelelo bube kuguli. Beida beitu bakusambizia. Sambizia beida beitu, muntu na muntu neizina liage.
Currently Selected:
3 Yoana 1: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.