2 Yoana 1
1
Bulili nu Lutundo Tabikugaluka Muidagi lia Kalaga.
1Mukulu, nkusanzila Kilia musombolua wa Kalaga nu bana bage, banatunda mu bulili; nu ta nnenyene tugu, tondo nu bansania beizi bulili; 2ku kabamba ka bulili buli mutuli, nubo buabe neisue ku nkiko zitanakuzinda; 3mponga, nu kiombo, nu bubobelelo bibe kutuli, bikutukaga ku Kalaga Tateisue nu ku Yesu Klisto, Muana wa Tateisue, mu bulili nu mu lutundo.
4Nabogilebogile kubuno namonine ku bana bobe bamozi bendaga mu bulili, anga bubo butuakakizizibue na Tateisue. 5Nu kano kaluma, Kilia, nkukusengezia tanga buno nkukusanzila kungo kukakizia, tondo kuko kutangi, buno tutundanazi. 6Nu luluno U lutundo, buno tuanzazi makakizio mage, bubo ukukakizia, anga bumualingile kungua, anzaziko. 7Kubuno bengelezi beingi bese mu kisi, batakukatizia Yesu Klisto buno abutilue mu mubili. Wozo u muengelezi nu musombi wa Klisto. 8Idangazi, kubuno munazimizia bimuakitide tondo mukasue lukalilo lueinyu lugimagima. 9Unsania ukuigisia buteligo, nu ntakuikala mu meigisia ma Klisto, nti wozo nteli na Kalaga; nuwe ukuikalaga mu meigisia mane, wono nti eli nelsi, nu Muana wage. 10N u ndi muntu avua kumuli, nuwe ntavua na meigisia mane, tamumusekele: 11kubuno nawamusambizia nti agomia nage mu misako zage mibi.
12Kubuno nili na bingi biakumusanzila, tondo nsikutunda kubisanza ku nsamba nu buino: tondo nkulangila kuvua kueinyu, buno nitende neinyu, buno mbogimbogi zeinyu zitilile. 13Bana ba mubuto wobe wozo musombolua wa Kalaga, bakusambizia.
Currently Selected:
2 Yoana 1: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
