II Timoteo 4
4
Moki Mazinda ma Paolo.
1Nkukukakizia ku Kalaga, nu ku Klisto Yesu, ukasungia balami nu bakuzi, nu ku kumoneka kuage nu ku bukota buage: 2sambala idagi lia Kalaga na komanizia nkungu ziukubogaboga, nu nkungu ziutakubogaboga, zugila, ana, sengezia ku kuikalila kunsania nu kuigisia. 3Kubuno nkungu zikabasa gabatakaziga meigisia ma bulili; tondo, mu kuyanga ntundo zabo, bobenyene bakekungikila musanganano wa basozi kubuno bekutunda kunguilila meigisia mabi; 4nubo tabakonguilila ku bulili, nu kugalukila misumo za buza. 5Tondo uwe widange mu bitondo binsania, babazibua, kita mulimo wa kusambala, sililizia mulimo wobe unsania. 6Kubuno nne nise neikasana anga kisansa, nu busi bua kukua kuane buse buigi. 7Niteine bita bisoga; nasilile kantangoa kane; nalangile bukatizio; 8kusila kua bubo nabikidue nkumbu za bukota za kuisanana, zikankasa Mukota musungia wisanana busi bubo, aba ta nnenyene tugu, tondo nu babo bansania bekutunda kumoneka kuage.
Paolo Ekulaga Timoteo nu baKlisto.
9Vua kundi yiliyili: 10kubuno Dema ansigile, atundile bitondo bia nkiko zeno za kano kaluma, nu endile ku Tesolonike; nu Kulesekene endile ku Galatia, nu Tito endile ku Dalumatia, 11Luka wenyene ugundi nage. Wavua na Malako; kubuno ekunkasagia busoga. 12Tondo nasingile Tukiko ku Efeso. 13Gokuvua nti wavua neikoti linasigile kua Kalaupa ku Telua, nu mikanda, tondo lebelebe zezo mikanda za bikoba. 14Alesandelo mutumbi wa nsubi ankitide bubi buingi: Mukota akamusungia ku bitondo biakitaga: 15nu uwe widange na wono; kubuno abengile nunse meigisia meitu. 16Kuitenda itangi lia mulondo wane takuabezaga muntu umozi wantendede, tondo bansania bansigile: tabatekuidue kugo. 17Tondo Mukota emanine nanne, nu ankasile magala; buno nisambale nunse musagu, nu baBilongo bansania nti bongua, nu nonezibue mu kanua ka kimbue. 18Nu Mukota anonie ku kitondo na kitondo kibi, nu andusie ku bukota buage bua muigulu: nu kueli kuli lutanuno ku nkiko zitanakuzinda. Amena.
Bekusambizania.
19Sambizia Puliseka nu Akuila, nu kikanga kia Onesipolo. 20Elaseto eikede ku Kolinto: tondo nasigile Tulopimo ku Mileto ekusamba. 21Sasia kuvua nti nkungu za mpego tazika. Eubulo nu Pudento, nu Lino, nu Kulaudio, nu mibuto zeitu insania bekukusambizia. 22Mukota Yesu Klisto abe nobe. Mponga zibe kumuli.
Currently Selected:
II Timoteo 4: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
