II Timoteo 3
3
Mu Bindi bia Kuzinda, Bantu Beingi Bakasomba Bitondo bia Kalaga.
1Tondo menya buno, mu bindi bizinda kukaba bitondo bibibu. 2Kubuno bantu bakeiyelama bobenyene, nu belami ba bikulo, nu baganuzi, nu bekuikotia, nu balingani, nu batakuanza bababuta, nu beteli na lusimo, nu batasuaga, 3nu batakutunda bakuabo, nu batakutunda kusigilila bango, nu bakandiki, batakuisungula, nu bakali, batakutunda busoga, 4nu bagabuzi, beli na kasasue keitenda, nu bekuikotia, nu bekutunda meiya kutinga Kalaga; 5bekumoneka buno bekuanza Kalaga, tondo bekutuna magala mage; ntuikundiebo. 6Kubuno bamozi ku babo bekuingila mu numba, nu kuenda na bakikulu bikongolo beli na mibi, basondelezizibue na ntundo mbi za nkita ningi, 7bekuigisibua busi na busi, tondo tabanavuama kumenyinina bulili. 8Anga Yane nu Yambule bubabengile Mose, ububo nu babano bakubenga bulili; bantu balubikeine menge mabo, batakuitabizibua ku bitondo bia bukatizio. 9Tondo tabakeitila nunse: kubuno bukongolo buabo buamenyue na bantu bansania, anga buabezaga bua babo bango.
Timoteo Alindizie Mutima Wage ku Kitondo kia Kalaga anga Bualindizie Paolo.
10Tondo uwe wamenyine meigisia mane, nu makitilo mane, nu makengelo mane, nu bukatizio buane, nu kuikalila kuane, nu lutundo luane, nu nkiki zane, 11nu kusungibua kunasungizibue ku Antiokia, nu ku Ikonia, nu ku Lusta; tondo Mukota anonezie ku binsania. 12Lebelebe, nu bansania bekuanzaga Kalaga mu Klisto Yesu bakasungibua. 13Tondo bantu babi nu tumanua bakanka kukita bubi bindi binsania, bekuengelela nu bekuengelelua. 14Tondo uwe kita anga bubo buwigisizibue, nu bubo buwakatizizie, nu kumenya buno nazi wakuigisizie bubo; 15nu buno kutukila buana buobe wamenyine masanzo masililila makukasanaga menge ma konibua ku bukatizio buli mu Klisto Yesu. 16Masanzo mansania mopidue na Kalaga, nu meli masoga kuigisia, nu kuzugila, nu kusungula, nu kuigisia kuisanana: 17buno muntu wa Kalaga alinde, nu asuage ku mulimo na mulimo musoga.
Currently Selected:
II Timoteo 3: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
