II Timoteo 1
1
Mukanda Weibili Wasingaga Paolo ku Timoteo. Paolo Ekusambizia Timoteo.
1Paolo, musingua wa Klisto Yesu ku kusombola kua Kalaga, anga buli idagano lia kalamo lili mu Klisto Yesu, 2ku Timoteo, muana wane unatunda; mponga, nu kiombo, nu bubobelelo, bikutukaga ku Kalaga Isi nu Klisto Yesu Mukota weitu, bibe kuguli.
Timoteo Akatizizie mu Busikila Buage.
3Nkusima Kalaga, unkukumbamina kutukila batatangulu ba wakalazi mu kalenganio kasoga, buno nkukusegelaga musi nu kindi, 4Nkukengela buwalilaga, nu natundaga nunse kukumonako, buno nibe na mbogimbogi. 5Nakengede nunse bukatizio buguli nabo; nu buabezaga na nyokongulu Loi, nu na nyoko Eunike; nu, nizi buno uli nabo. 6Ku bubuno nkukukengelezia buno ulange lukaso lua Kalaga luli nalo ku kubikua kua maboko mane. 7Kubuno Kalaga ntatugede mutima wa kukua boba; tondo wa magala nu lutundo nu wa bumenyinino busoga. 8Umpanga ntukue nsoni ku bulongeki bua Mukota weitu, aba ntunkue nsoni nne mukandua wage; tondo babazibua ku kabamba ka musagu musoga anga bunkubabazibua mu magala ma Kalaga; 9watonezie, nu watumanine na mubila wasililila, ta ku makitilo meitu, tondo ku kukengela kuage wenyene nu mponga zage, zituakasilue mu Klisto Yesu kutukila ku nkiko za wakalazi gabezaga ntebegania kisi nu meigulu, 10tondo kano kaluma zabisulua ku kumoneka kua Monia weitu Yesu Klisto, witile lukuo, nu kubisula kalamo nu kutabiga, ku wozo musagu musoga, 11ku kabamba kago nabikilue musambazi, nu musingua, nu musozi. 12Nu ku kabamba kago nkubabazibua: tondo nsikukua nsoni; kubuno nizi wozo unakatizizie nu nkumenya buno anavuama kulanga kikio kinamukasile aba nu busi bubo. 13Kokomezia kalolesio ka malagi masoga magungule kundi, mu bukatizio nu lutundo luli mu Klisto Yesu. 14Kikio kisoga kiwakasilue kilange mu Muuza Wasililila ukuikalaga mutuli.
15Wizi buno, bansania beli ku Asia bansigile; bamozi kubo u babano Pugelo nu Elumogene. 16Mukota akuile ba kikanga kia Onesipolo kiombo: kubuno andindizie mambizi meingi, aba ntakule na nsoni kukundola mu kikando; 17tondo gabezaga mu Lomo abede na komanizia buno amoneko 18(nu Mukota amukue kiombo kia Mukota mu busi bubo); nu uwe wizi bubo buankungile ku Efeso.
Currently Selected:
II Timoteo 1: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
