2 Petelo 3
3
Kengelazi Busi Buzinda.
1Batundua bane, kano kaluma mukanda wono uweibili unamusanzila; mu wono nkulindia mitima zeinyu ku kumukengelezia; 2buno mukengele malagi matendagua wakalazi na balengania basuagibua, nu kuko kukakizia kua Mukota Monia kualusizibue na basingua beinyu: 3menyazi tanga, kitondo kikino buno ku busi bua kuzinda kukaba beliliki, bayangi ba ntundo zabo, 4nu bakatenda buno, Kuni kuli idagano lilio lia kuvua kuage? kubuno, kutukila kukua kua batateisue binsania bili anga bubiakitilue. 5Kubuno batundaga kuibilila kitondo kikino, buno kutukila wakalazi kuabezaga meigulu, nu kisi kiakitilue mu mazi nu kiatukile mu mazi, kuidagi lia Kalaga; 6bubo kisi kikio kitangi kiakokile mu mazi, nu kiabigizibue: 7tondo meigulu ma kano kaluma, nu kisi, biabikilue milanga ku keiya kuidagi lilio, bikibialindila ku busi bua lusungio nu nkungu za kusungibua kua bantu batanza Kalaga.
8Tondo, batundua bane, tamuibilile kitondo kikino buno busi bumozi ku Mukota nti miaka kanunu, nu miaka kanunu nti busi bumozi. 9Mukota ntakugalukia kuzindilizia idagano liage, anga bukugalukia bango; tondo ekuikalila, ntakutunda muntu unsania kuzimina, tondo bansania beiyanie. 10Kubuno busi bua Mukota bukavua anga bukuvuaga muibi; ku busi bubo meigulu makazumia mizumio mibibu, nu binsania bia bumba bikanyenguka na keiya, kisi nu misako zili mukio zikazika. 11Umpanga bibino binsania bikanyenguka, buni nuinyue bumuatunganana kulama kalamo kasuagibua nu kuanza Kalaga, 12mukulindila nu mukutunda nunse buno busi bubo bua Kalaga buavue, kubuno meigulu makanyenguka na keiya kanene, nu binsania bikanyenguka nu kugia? 13Tondo ku kabamba keidagano liage, tukulindila meigulu mato, nu kisi kito, muli buisanana.
14Kubuno batundua bane, ndi mukulindila bitondo bibino, ikokomeziazi buno tamube neitondoki aba kabalibango kueli mu bubobelelo, 15Nu kengelazi kuikalila kua Mukota weitu buno kuli lonio; anga bubo buamusanzide mubuto weitu mutundua weitu Paolo ku menge makasilue; 16bubo bubo anga mu mikanda zage insania, atendile musagu wa bitondo bibino muzo; mu mikanda zeno bitondo bimozi bili bibibu kumenyinina; ku babo beteli na menge nu tabakokomena bekuzimina anga mango masanzo, ku kuzimina kuabo bobenyene. 17Umpanga inyue batundua bane, ndi mualinga kumenya bitondo bibino, kasi idangazi, munavua kuekua na misako mibi za bantu babi, munavua kutaba na magala. 18Tondo mukule mu mponga, nu kumenya Mukota u Monia weitu Yesu Klisto. Kueli kuli lutanuno aba kano kaluma nu nkiko zitanakuzinda. Amena.
Currently Selected:
2 Petelo 3: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
