1 Yoana 1
1
Mukanda Mutangi wa Yoana. Yoana Ekubasambalia Bitondo Biamonine Kubio nu Biongule Kubio.
1Lilio liabezaga mukulinga, tualiunguleko, nu tualimonineko na meiso meitu, nu tualilolile, nu maboko meitu malibabatile, ku musagu weidagi lia kalamo 2(nu kalamo kalolesizibue nuisue tuakamonineko, nu tuakalongekile, nu tuasambede kumuli kako kalamo, kalamo katanakuzinda, kabezaga kulsi, nu tuakamonineko); 3lilio lituamonineko nu litungule kulio, ulilio litukumusambalila; buno nuinyue mugomie neisue: nu mugomio weitu uli mu Tateisue, nu mu Muana wage Yesu Klisto: 4nu tuamusanzila bitondo bibino, buno mbogimbogi zeitu zizindilile.
Kalaga Akasigilila Buagi Bueitu.
5Nu wono umusagu utungule kueli nu kusambala kumuli, buno Kalaga eli kiengi, nu mueli tamuli kapilo nunse. 6Ndi tuatenda buno, tuagomania nage tondo tukuenda mu kapilo, nti tukueka buza, nu nti tatukukita bulili: 7tondo ndi tukuenda mu kiengi, anga bubo bueli mu kiengi, nti tuagomania bueitu bueitu, nu mikila za Yesu Muana wage nti zatusuga ku misako za buagi bunsania. 8Ndi tuatenda buno tatuli na buagi, tukuiyengelela, nu bulili tabuli mutuli. 9Ndi tukuigongaga misako zeitu za buagi, we eli mukatizia nu wisanana nti atusigilage misako zeitu za buagi, nu nti atusugage ku binsania biteisanana. 10Ndi tuatenda buno tatuagile nu isue tatuli na buagi, nti tuamuekia buza, nu idagi liage nti talili mutuli.
Currently Selected:
1 Yoana 1: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
