2 Petelo 1
1
Mukanda Weibili Wasingaga Petelo ku baIsalele. Petelo Ekusambizia Bakatizia.
1Simona Petelo, mukobe nu musingua wa Yesu Klisto, ku babo babezaga na bukatizio bumozi neisue bua bukunza bubibu mu kuisanana ku Kalaga weitu, nu Monia weitu Yesu Klisto: 2Mponga kumuli nu bubobelelo butalikilue mu bumenyinino bua Kalaga nu bua Yesu Mukota weitu.
BaKlisto Babe na Misako Misoga.
3Kubuno mpumba za buKalaga zatukasile binsania bia kalamo nu misako zage, ku bumenyinino bua wozo watumanine ku lutanuno luage nu ku busoga buage wenyene; 4kubuno tuakasilue malagano manene nu ma bukunza bubibu; buno mugomie mumo na Kalaga, buno monibue na kubiga kuli mu kisi mu ntundo zakio. 5Nu ku bubo muatunganana kuikokomezia nu kutalikila bukatizio bueinyu ku busoga, nu ku busoga bumenyinino; 6nu ku bumenyinino kuisungula, nu ku kuisungula nkiki, nu ku nkiki kuisanana; 7nu ku kuisanana kutunda mibuto zeinyu; nu ku kutundana, kiombo. 8Nu ndi muli na misako zeno, zikumulolesia buno mukutunda kukita mulimo nu mukukolama nunse, mu bumenyinino bua Mukota weitu Yesu Klisto. 9Kubuno wono uteli na zezo misako eli kiuku, ntanamona bili bulazi, eibilide kuko kusugua misako zage za buagi za wakalazi. 10Bubuno, mibuto zane, kitazi na komanizia nu mulinde mu mubila weinyu nu mu kusombola kueinyu, kubuno ndi mukukita bubo, tamunikuka nunse; 11kubuno bubo muitabizibue nunse kuingila mu bukota butanakuzinda bua Mukota weitu, nu Monia weitu Yesu Klisto.
Bitondo Biamonine ku Petelo Bikulindia Moki Meli mu Mukanda wa Kalaga.
12Nsikuibilila kumukengelezia bubo bindi binsania, aba ndi mubizi, nu mualindibua mu bulili bumuli nabo. 13Nne nkukengela buno buli busoga, gankili mu numba zeno za mubili, nkumugugumania mu kumukengelezia; 14kubuno nizi buno kutuka kuane mu numba zeno za mubili kuseli buigi, anga buandolesizie Mukota weitu Yesu Klisto. 15Tondo aba kungua nakua nkutunda muakengela bitondo bibino bindi binsania. 16Kubuno isue tatuayangile misumo za buengelezi, gatuamukengelezizie magala ma Mukota weitu Yesu Klisto nu kuvua kuage; tondo tuamonine ku Bukota buage. 17Kubuno akasilue luanzo nu lutanuno kulsi Kalaga, gonguilue kuiyuki liatukile ku Lutanuno Lunene bune, Wono eli Muana wane u Ngoli zane, nakomana nage: 18nu iyuki lilino tualiunguleko nuisue liatukile muigulu, gatuabezaga nage ku muiduko wa kizila. 19Nuisue tuli neidagi lia bulengania bua lebelebe; mulole kulio anga kasuku kakusana mu kiziki kili kapilo, aba nu kusanuka kua busi, nu lukenikeni lua nindunindu lukasana mu mitima zeinyu: 20menyazi tanga buno, takuli bulengania mu masanzo bunamenyua kuisulua anga bukutunda muntu. 21Kubuno bulengania tabualusizibue wakalazi ku lutundo lua bantu; tondo bantu batendilue na Kalaga, banagua na Muuza Wasililila.
Currently Selected:
2 Petelo 1: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
