1 Petelo 5
5
Mulimo wa Bakulu.
1Kubuno ukusengezia kunkusengezia bakulu ba kumuli, nne mukulu munyabo, nu mulongeki wa nsungio za Klisto, nu wagomia na lutanuno lukalolesibua: 2Langazi kibombo kia Kalaga kili kumuli, nu kukiemanina, takukusindikua, tondo ku kutunda, nu ku kusombola kua Kalaga, taku kuelama bikulo bia nsese, tondo ku kuisengezia; 3tondo tamuangate babo bamuakasilue, tondo mube kisusania kia Klisto ku kikio kibombo. 4Nu gakamoneka Mulangi munene, mukakasua nkumbu za bukota za lutanuno zitanakubiga. 5Bubo, nuinyue basikila, anzazi bakulu, nuinyue bansania ibotiazi, mukitilane; kubuno Kalaga ekutobagia beli na luikotio, tondo ekukitaga babo bekuibotia mponga. 6Tondo ibotiazi ku kuboko kua Kalaga kua gugumana, buno amusakike mu nkungu zage; 7bikazi tubebe tueinyu tunsania kueli, kubuno ekumulanga mu bitondo bieinyu nunse. 8Idangazi, kesiazi ntende: kubuno muiti weinyu Liabo u Satana, eli anga kimbue kikuzuga, nu kikutimba, nu ekulonda bantu babigia: 9nuinyue mutobiazi, mube na magala mu bukatizio bueinyu menyazi buno lusungio lulo lukuzindilizibua ku mibuto zeinyu zili mu kisi. 10Nu Kalaga wa mponga insania, wamumanine kuingila mu lutanuno luage lutanakuzinda mu Klisto, ndi muasungibua ku bindi bimozi, wozo wenyene amusililizie, nu amukokomezie, nu amulindie. 11Magala meli kueli ku nkiko zitanakuzinda. Amena.
Petelo Ekubasambizia.
12Ku kusanza kua Siluano, mubuto weitu mukatizia, anga bunizi, namusanzide bitondo bimozi, nanaga, nu kulongeka buno zeno umponga za bulili bua Kalaga; lindazi nunse muzo. 13Ekelezia lia Babelona liamusambizia; nu Malako muana wane. 14Sambizaniazi na mbogimbogi, bubobelelo bube kumuli inyue bansania beli mu Klisto.
Currently Selected:
1 Petelo 5: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
