1 Yoana 5
5
Kukatizia Muana wa Kalaga Kuatinga Bitondo Binsania.
1Unsania wakatizia Yesu buno eli Klisto nti abutua na Kalaga: nu unsania watunda wamubuta nti atunda wozo wabutilue. 2Ku bubuno tuamenyinina buno tuatunda bana ba Kalaga, ndi tuatunda Kalaga nu kukatizia makakizio mage. 3Kubuno kukuno ukutunda kua Kalaga buno tuanze makakizio mage; nu makakizio mage ta mabibu. 4Kubuno kinsania kiabutilue na Kalaga kikukindaga kisi: nu kukuno ukukindua kukukindagua kisi, ububo bukatizio bueitu. 5Nazi ukukindaga kisi, tondo ndi ta wozo wakatizia buno Yesu eli Muana wa Kalaga? 6Uwono, Yesu Klisto wavule ku mazi nu mikila; ta ku mazi tugu, tondo ku mazi nu ku mikila. 7Nu Muuza ukulongeka, kubuno Muuza ubulili. 8Kubuno basatu beli balongeki, Muuza, nu mazi, nu mikila: nu basatu babano beli umozi. 9Nu ndi tukukatizia bulongeki bua bantu, kasi bulongeki bua Kalaga buli bunene nunse; kubuno bulongeki bua Kalaga ububuno, bualongekede Muana wage. 10Nu na wakatizia Muana wa Kalaga eli na bulongeki mueli: nu na utakatizia Kalaga nti ekumuekia buza; kubuno ntakatizia bulongeki bua Kalaga bualongekede Muana wage. 11Nu bubuno ubulongeki, buno Kalaga atukasile kalamo katanakuzinda, nu kalamo kakano keli mu Muana wage. 12Kubuno we uli na Muana eli na kalamo kakano; nuwe uteli na Muana wa Kalaga nti nteli na kalamo kakano.
Bekukatizia Yesu Klisto Beli na Kalamo Katanakuzinda.
13Namusanzila bitondo bibino mumenye buno, muli na kalamo katanakuzinda, inyue bakatizia izina lia Muana wa Kalaga. 14Nu bubuno ubupuka butuli nabo kueli, ndi tuasega kio kinsania anga bubo buli kusombola kuage, nti atungua: 15nu ndi tuizi buno ekutunguaga ku binsania bitukusegaga, nu nti tuizi buno tuli nakio kinsania kituamusegile. 16Nu ndi muntu amona mubuto wage aga buagi buteli bua lukuo, nti asega, nu Kalaga nti amukase kalamo ku kabamba ka babano baga buagi buteli bua lukuo. Kuli buagi bua lukuo: nsikutenda buno nti amusegela. 17Nu kuteisanana kunsania kuli buagi; nu kuli buagi buteli bua lukuo.
18Tuizi buno unsania wabutua na Kalaga ntakugomagia na buagi; tondo we wabutua na Kalaga, nti ekuidanga, nu wozo mubi ntetubie kueli. 19Tuizi buno tuli ba Kalaga, nu kisi kinsania kili kia wozo mubi. 20Nu tuizi buno Muana wa Kalaga avule, nu atukasile menge, buno tumenye buno we eli bulili, nuisue tuli mu wozo wa bulili, uwozo Muana wage Yesu Klisto. Wozo eli Kalaga wa bulili, nu kalamo katanakuzinda. 21Bana bane bakeke, idangazi na nkisi.
Currently Selected:
1 Yoana 5: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
