II Bakolinto 9
9
Paolo Ekubasambalila Bubakasa Biabo ku Kalaga.
1Ku musagu wa kukitila basuagibua, nsili na kitondo kia kumusanzila; 2kubuno nizi lutundo lueinyu, namukakile kubabo ba ku Makedonia, anga buabezaga ba ku Akaya kayikayika kutukila muaka umozi; nu iyilili lieinyu lialindia bantu beingi. 3Tondo nasingile mibuto zane, buno kuikaka kueitu kumuli takube buliabulia mu kitondo kikino; buno mube kayikayika anga bunatendile; 4kungua navua na ba Makedonia nu ndi namusanga tamuli kayikayika, nti tuakue na nsoni (nu tatukumutenda inyue benyene) mu kilemanizio kikino. 5Umpanga nakengede buno buakulungana nanne mibuto zane, balinge kuvua kueinyu, nu kukungika lukaso lueinyu luidagano limualagile wakalazi, buno lube kayikayika nu luluno lube anga lukaso lua lutundo, tanga lukukasana ku nduma. 6Tondo nkutenda buno, ukuyika bikeke akakola bikeke nunse; nu ukuyika bingi akakola bingi nunse. 7Na muntu na muntu akasane anga buakukengela mu mutima wage: ta ku kangonongono, aba ta ku kabamba: kubuno Kalaga ekutunda wozo ukukasana na mutima wa mbogimbogi. 8Nu Kalaga akamukitila mponga ningi; buno muitile nunse ku bitondo binsania bindi binsania, muitile nunse mu mulimo na mulimo musoga: 9anga buasanzilue bune,
Abalanganizie, akasile bazambi;
Kuisanana kuage takunakuzinda. #Luimbo 112:9.
10Nuwe ukukasaga muyiki mbuto nu kampampa kuba idia, amukase mbuto za kuyika, nu kuitila biguma bia kuisanana kueinyu: 11muagumibue mu binsania, buno mube na binsania bikukasa Kalaga, nu nti tuamuganune. 12Kubuno kukita kua mulimo wono takukusililizia tugu kuiyanina kua basuagibua, tondo kuitila nunge beingi baganune Kalaga; 13nu ndi mukulindikua mu mulimo wono, Kalaga nti ekuganunua ku luanzo lueinyu ku kuitabizia musagu musoga wa Klisto, nu ku nkaso zeinyu ningi kubeli nu ku bantu bansania; 14nubo benyene, bekumusegela, batundazi nunsania mponga za Kalaga zeitide kumuli. 15Kalaga asimue ku kitondo kia lukaso luage lututanavuama kusima.
Currently Selected:
II Bakolinto 9: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
