II Bakolinto 10
10
Paolo eli Nunse Musingua wa Kalaga.
1Nunne Paolo nnenyene nkumusengezia ku kubota nu bubobelelo bua Klisto, kungua nili neinyu nti nabota, tondo ganteligo nti nili na magala kumuli: 2ububo, nkumusengezia, buno ndi niligo tamunsengezie mugugumano, anga bubo bubakutukengela, buno tukuenda anga ba kisi. 3Kubuno ndi tuli na mibili za kisi, tatukuluana bita na mibili za kisi. 4(Kubuno bieitu bia bita tabili bia kisi, tondo bili na magala mu Kalaga kugusia mukolo wa bita); 5nu kuibilila miango, nu binsania bikuikotia ku menge ma Kalaga, nu kuvuama makengelo mansania buno manze Klisto; 6nuisue tuse kayikayika kusungia babo beli na lunano, kungua muse na luanzo. 7Idolazi tanga bumukukita. Ndi muntu akuikengela wenyene buno eli muntu wa Klisto, nti akengele buno, bueli muntu wa Klisto, bubo ubutuli nuisue bantu ba Klisto. 8Kubuno ndi nkuikaka tugu ku buangato (butuakasilue na Mukota buno tumulindie ta kumugusia), nti nsikue nsoni: 9ninavua kumuitia na boba ku mikanda zane. 10Kubuno, bekutenda bune, Mikanda zage zili na buisulilua buingi nu akongagoa muzo; tondo ndi eli kuno kueitu nti abota nu nti ekutetuma. 11Wono muntu ekukengela, lukita lutuli nalo mu mikanda gatuteli, unu bubo butuli nunse. 12Kubuno tatukutunda kuikaka nabo aba kuidingimania na babo bekuikaka: tondo ku kuidingimania kuabo, nu ku kuidingimania kuabo, buabo buabo, nti tabeli na menge. 13Tondo isue tatukuikaka anga bututeli, tondo anga butuakasilue na Kalaga, nu anga bubo butuakasile kueinyu. 14Kubuno tatukutingila gago gatuakasidue, anga buno tatuamubaside, kubuno tuamubaside na musagu musoga wa Klisto: 15tatukuikaka anga bututeli, aba mu milimo za bango bantu; tondo kukuba na kilemanizio, anga bukatizio bueinyu ga bueitile, nti tuatalikilue kumuli nu kuitila nunse, 16aba nu kusambala musagu musoga mu bisi bili lisa na kueinyu, aba tatuikake ku bitondo biasila kukitua na bango. 17Tondo we ukuikaka nti ikaka mu Mukota. 18Kubuno ta wozo muntu ukukakua ukuikaka wenyene, tondo wozo ukukakua na Mukota.
Currently Selected:
II Bakolinto 10: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
