II Bakolinto 7
7
1Umpanga batundua bane, kukuba tuli na malagano mamano, tulekelazi kukita bitondo binsania bia nsese bia mubili nu bia mutima, tusililizie mu kukua Kalaga boba.
Mutima wa Paolo Wabogilebogile ku Makitilo ma Bakolinto.
2Tulimbulilazi mutima: tatuagide muntu; tatuabigizie misako za muntu; tatuakangide muntu. 3Nsikutunda kumubezia: kubuno natendile buno, namutunda mu lukuo nu mu kalamo. 4Nkumulemanina nunse, nkuikakila mu muli: nkubobelezibua nunse; nkubogaboga mu tubebe tueitu tunsania.
5Kubuno gatuabasile ku Makedonia, tatumuinue, tondo tuabezaga na tubebe tuingi; nu tuabezaga na bita, nu tuakuaga boba. 6Tondo Kalaga ukubobelezagia beli na kabebe, atubobelezizie ku kuvua kua Tito; 7nu takuvua kuage tugu, tondo ku kubobelezia kuko kumuabobelezizibue, atusambalide musagu wa lutundo lueinyu, nu kabebe keinyu, nu bumuiyaninaga nne, ububo, nkubogaboga nunse. 8Kubuno ndi namongedue mu mukanda wane, tondo nsikuibezia: kilo ninibezizie (kubuno nkumona anga bumongilue ku mukanda wozo, tondo ku nkungu nkeke tugu), 9kano kaluma nabogaboga, ta ku kitondo kia kuongua kueinyu, tondo kubuno mu kuongua kueinyu nu muiyanizie; kubuno muiyanizie ku Kalaga, buno munavua kubabazibua ku kitondo kietu mu bitondo binsania. 10Kubuno kabebe keli ku lukita lua Kalaga kakulusagia kuiyania kukulusagia lonio, kuiyania kuko kuteli na kuibezia; tondo kabebe ka kisi kakulusagia lukuo. 11Unguililazi, kuko kukua na kabebe kuli ku lukita lua Kalaga, kuakitile lutundo lukizi mumuli, nu kubingibua kukizi kueinyu, nu kongoa kukizi, nu boba bukizi, nu kuiyanina kukizi, nu iyilili ikizi, nu musubo mukizi! Kubuno mukuisuagia mu kikino kitondo. 12Umpanga ndi namusanzide, tondo nti nsiamusanzide ku wozo wakitile bubi, aba ku kabamba ka wozo wakitidue bubi, tondo buno lutundo lueinyu kutuli lumoneke ku Kalaga. 13Ku bubuno tuabobelezizibue: nu mu kubobelezibua kueitu tuabogilebogile nunse ku kitondo kia mbogimbogi za Tito, kubuno mualindizie mutima wage. 14Kubuno ndi nikakile kueli ku kabamba keinyu, tondo nsiakule na nsoni; tondo anga butuamubulaga bitondo binsania bia bulili, bubo ububo kuikaka kueitu ku Tito kuabe bulili. 15Nu lutundo luage luitilide kumuli nunse, gakukengelaga luanzo lueinyu bansania, lukita lumuamusekede na boba nu ku kugilimina. 16Nkubogagabogaga kubuno mu bitondo binsania nili na kilemanizio ku kabamba keinyu.
Currently Selected:
II Bakolinto 7: NTKI57
Highlight
Copy
Compare
Share
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.
